كاسر الوشم
15-01-2022 - 08:20 pm
السلام عليكم ورحمه الله وبركاته
عندي بعثة عن طريق عملي إلى بريطانيا
سوال في بداية الموضوع كيف انتقل من المطار إلى الفندق او السفارة وش ارخص تكسي او قطار وكيف احجز قطار في المطار
1- كم يبي لي يوم عشان اخلص اوراق السفارة في لندن وابي عنوان السفارة
2-ابي سكن قريب من السفارة ويكون فندق رخيص ونظيف وكيف احجزه (مادري كم احجزه يوم لاني ما دري متى اخلص اوراق السفارة)
3-كيف احجز من لندن إلى ادنبره لاني بدرس اللغة هناك وش افضل (قطار ولا طائرة) ومن وين احجز احجز من الرياض تكفون افيدوني
4-العايلة اللي ابي اسكن عندهم طالبين علي حجز وصول ادنبره عشان يوافقون وش اسوي تراي منكب
5-على قرض من بنك الراجحي كيف افتح حساب في بنك بريطانيا واحول راتبي عليه تكفون افيدوني بسرعة ابي افضل بنك متوفر في ادنبره ومانشستر
6-وش المطلوب مني في هيثروا ناس قالو لي اشاعة صدر
علما باني استخرجت الفيزا وحجزت على البريطانية
رحلتي على الابواب
والله اني ما دري وش اسوي وحجزي على الخطوط البريطانية وهذي غلطتي لوكان في السعودية يمكن الاقي احد يوجهني في المطار ويساعدني
ودراستي اللغة في ادنبره
والجامعة في مانشتسر في هدروزفلد على ما اعتقد ابي معلومات عن المدينة
يعني ميح ما اعرف وش اسوي
ادري غثيتكم استئلتي صعبة مره بس تحملوني
