انا اشوف الافضل المانيا
لانك راح توصل لمطارهم

هلا بك والله ... وآسف على التأخير لأني ماادخل هذا المنتدى كثير
التأشيره كله واحد من المانيا والا من النمسا ( طلع التأشيره اللي اسهل لك )
بالنسبه لفندق سي فيلا ماأذكر اني شفت فيه غرف مطله على الشارع.. كل الغرف سواء اللي بالقسم القديم اللي اسمه سي هوتيل أو اللي بالقسم الجديد اللي أسمه سي فيلا كلهن مطلات على البحيره
لكن السي فيلا افخم ( اللي أنت حاجز فيه وأكبر غرف )
و نصيحه مني حاول اذا وصلت الفندق تأخذ الغرف اللي بنفس دور الريسبشن وتكون قريبه من الريسبشن علشان البلكونه تقدر تنزل منها على حديقة الفندق اللي على البحيرة , وأيضا تكون الغرف اللي جنب الاستقبال استقبالها للأنترنت أقوى
انا الحمد لله يوم دخلت الفندق من حسن حظي طلع اللي كان ساكن بالغرفه اللي جنب الاستقبال وعطوني اياها
بالنسبه لمواضيع الفيزا ماأقدر أفتي لك فيها
الا في سالفة استأجار السياره لازم تكون مطابقة لأسم صاحب الجواز اللي مستأجر السياره وتكون حروفها بارزه ( مهوب اللي مطبوعه طباعه )
ترى صندوق الوارد عندك مليان عجزت وأنا أرسل لك آخر شي كتبت الرساله هنا
تحياتي لك
وياليت تضيفني بتويتر اذا عندك معرف ونقلبها سواليف ووناسه بالتويتر هذا معرفي في تويتر :
عبدالعزيز الحبيِّب
@2007_alanabee

الاسهل النمسااوية لا انهم فاتحين مكتب لهم في الخبر بدال ماروح الرياض
واشكرك يا بو نزية علي المعلومة عن سي فيلا بكتب لهم قبل الرحلة بكم يوم يجهزون لي الارضي
تسلم حبيبي قلبي وجايك علي تويتر
جنون انثي اعجز عن شكرك ولا واعتمادي علي الله ثم علي نصايحك الجوهرية وانا متحمس ابي اروح الوقت بدري ههه

شوف عزيزي, الهولنديين إللي معروفين متشددين في امور الفيزا, أنا كنت رايح النمسا, وعندي ترانزيت بهولندا, ما قال لي لييش ترانزيت هولندا وانت فيزتك نمساويه, لان نظاما ايامك الاكثر بالنمسا ..
اعرف ناس كثير الهولنديين قعدوا لهم قعده علشان ناس متجهه لإيطاليا مثلا, وتكون فيزته فرنسيه, يدققون , ليش فيزتك فرنسيه وانت رايح ايطاليا!! على الرغم ترانزيت بدريتهم فقط.
الخلاصه وضعك سليم, طلع من النمساويه وبتمر المانيا عادي..
تحياتي

تسلم والله ابو مريم

رعبوب
أسعد الله مسائكم
اخوي ياليت توضح وين موقعهم بالخبر هل تقصد بذالك مكتب للسفارة ام مكتب لإستخراج الفيز
و أين موقعه بالتحديد اذا تكرمت
وموضوع اخر اريد الاستفسار منك ألا وهو انا بسافر في شهر 9 اغسطس 2013 سوف امكث في النمسا فقط هل يمكنن استخراج الفيزا من هذا الوقت او مع بدائية السنه ام يفضل قبل موعد الرحله ب شهرين او ثلاثه ..؟

اهلين اخوي الفيزا تقدر تطلع قبل تاريخ السفر ب 3 أشهر ولا تقدر تطلعها قبل الوقت هذاولا تنسى تصل عليهم تأخذ موعد للحضور
رحلة موفقةه باذن الله

ابو درر و ناصر
اشكرك على التفاعل مع نقاطي
لكن اود من بعض الاخوه اذا كان هناك مكتب في المنطقة الشرقية الخبر للسفارة النمساوية ان يزودني بالموقع الخاص بهم و رقم الأتصال لحجز موعد
ودمتم ب ود اعتذر من الزميل " رعبوب " لطرح استفساراتي في موضوعه وجددت انه قريب من إسئلتي فاأحببت ان طرح النقاط

معلش يا غالي الله يحيك باي وقت والموضع لخدمت الجميع
اخوي الموقع عمارة الخليج الي فيها مكتب الفيفا كانك سمعت فية الي يطلع الفيز للسفر
الي انا اتكلم عنهم ذولي مندوبين من السفارة نفسهم فاتيح بنفس العمارة لاكن الدور الرابع لتسهيل علي المواطنين بدال ما يروحون للرياض
العمارة موقعها علي الكورنيش العمارة الي فيها خطوط مصر للطيرات المكتب الكبير الي جنب شرطة الخبر عند الاشارة في الزاوية اسال عنها معروفة عمارة الخليج
ارقامهم 038977354
8من الساعة 8 الصباح الي 4 العصر دوامهم كلهم
شروط صورتين لجواز السفر اول 3 صفحات موقع من صاحب الجواز
2 صورة شخصية للرجل مكشوف الراس والمراة تبن الجبهة
تامين طبي من بداية السفر الي بعد السفر بشهر تقريبا وكل مازاد افضل عطوط فترة اطول
صور لفيز البنك محفورة الاسم واذا ماعندك كشف حساب من البنك ويكون فية مبلغ والكشف 6 شهور علي الاقل
تعبي الاستمارة من الموقع او من عندهم باللغة الانجليزية مع توقيع صاحب الجواز ولا يجوز تنوب عن زوجتك ههه حلوة لا يجوز
حجوزات الفنادق بكل التفاصيل وحق بوكينج يمشي مع التذاكر ذهاب وعودة الاصل
شكرا لك اتمني افدتك واسمحلي ماشفت ردك الا متاخر