نشر في النمسا

سياره من ميونخ و لكن

هاوي اجازه

25-02-2022 - 03:13 am

السلام عليكم
اطلب منكم المشوره .. ادري ان الموضوع سبق و ان طرح و لكن عجزت احصله
ابي اعرف من اهل الخبره
انا سوف استأجر سياره من ميونخ و السياره فيها نافيجيشن (بيلت ان) و متركب فيها و قاضي. الأسئله كالتالي و اعذروني تراني عليمي بهالامور:
1- هل احتاج (الماخوذ) اللي اسمه قارمن؟
2- اذا ما كنت احتاج القارمن، هل النافيجيشن اللي في السياره فيه لغه انجليزيه؟
3- و هل النافيجيشن اللي في السياره يعطيني المواقع الترفيهيه و فيه خاصية البحث، و لا بس اسماء الشوارع و المدن؟
4- هل احتاج اي اوراق اطلبها من محل التاجير عشان اروح فيها للنمسا؟
علما بان السياره هي من يوروب كار ..النوع بنز اوتوماتيك و لا تسألون ليه اوتماتيك (قايل لكم عليمي بالسيارات) بس اعرف اسوق اوتوماتيك
و الله يعطي المشرفين الف عافيه خصوصا ابو ريان اللي اعطانا كود الخصم للخليجين.
افيدونا و دمتم
هاوي اجازه

التعليقات (9)

هاوي اجازه

25-02-2022 - 06:26 am

وش دعوه يا عالم
محد رد علي؟؟؟؟
ترى يوم كامل معقوله محد عنده معلومات
احباط
بليز استنى اي احد يدلي بدلوه على الاقل

آل باتشينو

25-02-2022 - 07:27 am

آنا من رأيي تبحث بالمنتدى لأن أغلب الشباب مسافرين وراح تلقى بس حاول تبحث

هاوي اجازه

25-02-2022 - 08:28 am

آل باتشينو:
آنا من رأيي تبحث بالمنتدى لأن أغلب الشباب مسافرين وراح تلقى بس حاول تبحث
شكرا لك اخوي ... لقيت الموضوع اللي تناقشتوا فيه .. و حطيت احد استفساراتي و اهمها

الحكومه

25-02-2022 - 09:29 am

اخوي سألت لك واحد من الاهل.. و قال انه كان مأجر بي ام.. و النفجيشن في خيار متاح انك تختار لغه (انجليزي- الماني-فرنسي) ..
والجارمن في كلام وايد عنه.. ممكن تاخذ لفه على بوابه سويسرا و بتلاقي ناس متكلمين عنه بعد مب مقصرين..
القارمن يؤدي وظيفة النفجيشن اللي في السياره فواحد منهم يكفي..
الاماكن الترفيهيه.. اظن ان النفجيشن اللي في السياره تحط العنوان ويوصلك ....يقولك عن درجة الحراره و اذا في درب زحمه جدامك..مادري عن الاماكن الترفيهيه..
القارمن يقولك عن المطاعم والفنادق وهالسوالف..
اوراق تأجير... امم اسمحلي ماعرف فهالموضوع بس ما اتوقع .. تأجر السياره وتروح وين ما تروح بس ترجعها المكان المتفق عليه..
بس بغيت اسألك عن السياره.. نحن ندور نفس الشي اوتوماتيك و نفجيشن..بكم طلعت لك يومية السياره من يورب كار.. هل حجزتها و دفعت ولا حجزتها و بتدفع في ميونخ..
اسمحلي ماساعدتك واايد..........هذا اللي اعرفه

هاوي اجازه

25-02-2022 - 10:30 am

الله يعطيك الف عافيه ما قصرتي .. يكفي اجتهادك
عموما السياره ما دفعت لحد الحين .. بس مختارها و عندي البيانات طلعت لي تقريبا بعد الخصم 2700 ريال سعودي لمدة سبع ايام تقريبا و التسليم بنفس المكان من ميونخ بس مو المطار لان المطار ياخذون ضريبه
السياره نوعها كشف اتوماتيك مع نافيجيشن سيستم
http://www2.europcar.com/EBE/module/booking/FirstStep.do?redirectUri=home
الرابط حق موقع يوروب كار ممكن تعبين الخانات و لو احتجتي اي استفسار ان شاء الله اقدر اساعدك
ان شاء الله الرابط يوصل مضبوط اول مره اسويه ... و لا تنسين الكود تبع الخصم للخليجين موجود ايضا باحد المواضيع و برضو ابو ريان حاط موضوع قبل كم اسبوع عن نفس الكود
تحياتي

الحكومه

25-02-2022 - 11:31 am

تسلم اخوي..
نحن احسن سعر حصلناه للحين 3600 تقريبا من sixt لمدة 16 يوم بي ام صغيره
ايوروب كار حجزنا عندهم اوبل.. بس في الغالب بنكنسله..
موفق اخوي..واتمنالك رحله سعيده

الحكومه

25-02-2022 - 12:32 pm

بس على فكره الشخص اللي سألته كان مجرب البي ام و مجرب المرسيدس و قال ان البي ام اسهل عن المرسيدس(قصدي النفجيشن سيستم).. اسأل عن هالنقطه

هاوي اجازه

25-02-2022 - 01:33 pm

تصدقين ... يوم دخلت كود الخصم فيه سيارات كثير ما تشملهم
مثل السياره اللي كنت بختارها مو موجوده معاهم .... و الله بديت احتار
غير انه فيه علامه غريبه ما فهمت معناها عندي مسوي لها صوره بس ما اعرف احط صور :112:

الحكومه

25-02-2022 - 02:34 pm

ممكن تتصل المكتب او تروح عندهم..
واعمل حجز وخلص امورك..وبعدين قلهم عندي كود للخصم..
واذا كنت من السعوديه وعندك بطاقة الفرسان يعملولك خصم(معلومه من الاخ ابن بطوطه او رجل شرقي والله ما اذكر بس عشان احفظ حقوق الملكيه)

النمسا المسافرون العرب

سياره من ميونخ و لكن