اتفق معاك اخوي اتفاقا تاما..
ودائما ما احث الاعضاء الذين يستفسرون بأخذ السويس باس وتوفير عناء استئجار السيارة وقيادتها ..
شبكة المواصلات السويسرية تعد الاولى في العالم من حيث المستوى والدقة والانضباط..
تحياتي..

ام
رغم اني الكثرين قالوا ان قياده السياره في سويسرا متعه ما بعدها متعه...
والله احترت مب عارفه... لاني ناويه استأجر سياره + شراء بطاقه السويس باس
شو رايكم يا جماعه

اخي احترم وجهة نظرك
القطارات والترام جيدة لمن يقيم لمدة بسيطة لاتزيد عن أسبوع ويقيم بالمدن وليس بالارياف والقرى
ولكن قيادة السيارة هناك لها متعة خاصة وخصوصا لمن يقيم خارج المدن
تخرج متى ماتريد وترجع متى ماتريد وتذهب إلى المكان الذي تريد
لا أنتظار - لا مواعيد - لا تأخير
متعه لا يعرفها الا من قاد السيارة بربوع أوروبا

أختي الكريمه
احسن شئ :
اذا تنقلاتك داخل المدينة الواحدة وخاصة زيورخ او انتر لاكن الفندق اللي تنزلي فيه يعطيك بطاقة تنقل داخل المدينة للففترة اللي بتقضيها في الفندق
واذا تنقلاتك بين المدن ترى القطارات بالهبل والسويس كرت زين اذا تنقلاتك اكثر من اللازم يعني كل يوم بمدينة
ريحي بالك ترى الحياة اسهل بكثير مما تتوقعية
بعدين انتي رايحة سويسرا يعني كل شئ بمنتهى الدقة

thebest1980
ايش فايده السويس باس اذا بتاخذين سيارة !!!!!!!
اذا قصك السويس هاف فير فهذا شي ثاني
انا بالنسبه لي زوجي يفضل القطارات يقول اريح واهم شي انه يرتاح
حتى انا ملقوفه يعني كل ماركبنا السيارة بتنشد اعصابي صح او غلط الطريق
وشيه تفلسف على شويه عصبيه ويرتفع ضغطي واتنكد
انا مع المثل الي يقول اعطي الخبز لخبازه
بس ما يمنع اني اجرب السيارة في دوله غير سويسرا

1. القيادة في سويسرا و ما ادراك ما القيادة

القيادة في سويسرا و ما ادراك ما القيادة

أول شي ابقوله لكم ان اللي ما ساق ما راح لسويسرا (وجهة نظر) لأنك اذا استأجرت سيارة تقدر تروح للي تبي و توقف عن اللي تبي على كيفك لا تنتظر قطار و لا باص و لا تكسي .... منتب مرتبط بقروب و لا شي ... تتمشى بالسيارة اذا اعجبك مكان توقف فيه و تتفرج .... ياما ركبنا قطارات و شفنا اماكن حلوه كثير انحرمنا منها بسبب انك بالقطار ... يأخي تتمنى لو تصور في المكان او تجلس فيه لو خمس دقايق تشوفه ... ليش تحرم نفسك من هذي الفرصه عشان مالك خلق تسوق ... ثانياً القطارات تلزمك بأوقات معينه و لو يفوتك الموعد خرب جدولك كله ... حتى الأكل و المطاعم اذا كنت بالسيارة تتنقل تروح لها على كيفك اذا القطار ما تقدر تروح لها ..... و ثالثاً انتم تتكلمون عن استأجار السيارة و تقولون نضيع لأنكم ما جربتو النافيقيشن اللي هي الخرايط الإلكترونية و هي تسهل عليك الوصول لأي مكان انت تبي حتى لو كان شلال او نهر او سوق او مدينة او مكان سياحي او فندق او اي شي تفكر فيه ... يعني جداً رائع و الأروع انه سهل الاستخذام. يا ناس اذا صار معكم سيارة و نافيقيشن احكمو
انا كنت زيكم اقول السيارة مالها داعي بس يوم جربتها تندمت على عمري اللي راح و ما كنت استأجر فيه سيارة في اوروبا
و ختاماً أقول لكم جربو و التجربه خير برهان
( وجهة نظر )

اخوي كلامك صحيح في المدن لكن الارياف يبي لك سيارة ..