مافي اسامي خلصو اسمي خالد
30-07-2022 - 03:33 pm
السلام عليكم ورحمة الله وبركاته
اخوكم خالد
مسافر بعد اسبوع للدول اللي بالعنوان لمدة شهر
فكرت شنو اسوي لان هالمتندى له جمايل علي فا نويت اني طول السفره اتباشر معاكم بالمعلومات
بما ان هوايتي التصوير الفوتوغرافي راح اصور كل شي اقدر عليه
وبما اني من محبين التسوق احتمال اصور المحلات من الداخل
اتمنى من الكل التفاعل مع اخوكم الصغير لان اللغه مو زياده
احب انوه اتمنى اي احد يذكر معلومه تكون دقيقه لان ابي الموضوع مميز
وراح احاول قدر الامكان معلوماتي دقيقه
ما ابي وحده ادش الموضوع اتقول انا رحت السوق الفلاني شريت جنطه ديور
واو رخيصه بخمس ميه يورو بس اقول اشلونج يالغاليه رخيصه خير ان شاء الله
1- مولات الاوت لت
2-افضل الفنادق يفضل موغاليه يعني لحد يتفلسف يقولي الفندق الفلاني حده حلو ورخيص
وبالسنتر الليله 750 يورو صدقتك ان رخيص حيل رخيص بعد
3- افضل الملاهي الالعاب خطره وحلوه غير دزني لاند طبعا
4- وكل واحد عنده معلومه عن اي شي حلو لاتبخلون على اخوكم
البعض يفكر ان انا كتبت هالموضوع لا املك معلومات لا الحمدلله كل شي متوفر
لكن ماجربت شي عشان اصرح عنه
اخر شي احب اقوله تفاعلتو معاي ماتفاعلتو راح اكمل موضوعي رد الجميل للمنتدى الجميل
اخوكم خالد
واللي يبي يسافر يروح سياحه مو عشان التسوق والرخص واكيد اوروبا مافيها شيء رخيص
وأن شاء الله نشوف تقريرك ونتفاعل معاك