وانا بضيف اسئله على اخوي غانم .. ناوي ع سويسرا بس متردد بين شهر اوغست او سبتمبر
وبرضو متردد بين الخطوط القطرية والمصرية ايهم افضل وارخص طبعا؟؟
وبرضو ماني قادر احسب كلفة رحلة لسويسرا مدتها 14 يوم مع العلم اني ناوي آخذ العائلة معي واحنا 3 اشخاص ورضيع
اكون شاكر ومقدر لمن يجيب ع هالأسئله : )

أهلين
شوف على حسب خبرتي انك تقدر تروح يوم ترجع لكل من :
ميلانو ---> من لوقانو
ألمانيا ---> من بازل
بعض القرى الفرنسية مثل ( انسي - شامونيه - بوزنسون ) ---> من جنيف
وهذي كلها تقدر تروح يوم و ترجع و بالنسبة لأنسي و شامونيه فيه لها رحلات سياحية من جنيف
ام و انترلاكن تكفي 8 ايام
و المدن اللي تبي تسكن فيها تقدر تحددها على حسب الأماكن اللي انت تبي تروح لها ..
و أي اسفسار انا حاضرة

شوف اخوي ابو الحص ..
شهر اوقست بيكون وقت الكرنفال في جنييف و راح تستمتع فيه كثير بس يعيب هالشهر ان
سويسرا بتكون مزحومة بالخليجيين و غيرهم .. اما سبتمبر ما ادري عنه يمكن الأعضاء
يقدرون يفيدونك في هالشيء ..
أما بالنسبة للخطوط الجوية أكيد القطرية بتكون افضل هذي الأسعار :
القطرية : غريبة مالقيت لها اي رحلات لسويسرا سواء لجنيف او لزيورخ
المصرية : مع توقف في مطار القاهرة طبعا ب 9252
و ترى الخطوط السعودية و الله حلوة و دايركت اهم شي وهذ سعرها لنفس الفترة ب13640
هذي الاسعار لشهر اوغست
ومصاريفك و الله ما اقدر احددها لازم تقولي انت تبيها شاملة للرحلات السياححية و لا قصدك اكل و شرب و بس ولا كيف يعني
اي استفسار ان شاء الله اقدر اساعدك

مشكوره يا اختي ماقصرتي
بس بعد مارديتو على سؤالي
انه اصلا ماعرف وين المدن اللي ازورها بسويسرا يعني انزل انترلكن اقعد فيها 8 ايام واطلع بس ؟؟؟؟؟؟؟؟؟
مانروح مناطق جنبها ونرد واللا بعدها نزور مناطق ثانيه
شسالفه محد يبي يساعد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

غانم77
كثيره المناطق التي تجاور انتربلكن مثل زيورخ فقط ساعه ونص
لوزيررن 45 دقيقه
جستاد 40 دقيقه
منترو ساعه وربع
والكثير

ماقصرت يالبسوسي بس انه باختصار ابغي جدول لسويسرا يعني بهالمنطقه اقضي كم يوم وازور هالمنطقه وكم اقعد بغيرها كذا يعني واللي يعافيكم
وحبيت اعرف ديفون شنو فيها ؟؟؟؟؟؟؟؟؟؟؟؟؟؟؟

الف شكر اختي ماقصرتي
وقصدي بالمصاريف كل شيء يشمل اكل وشرب وتسوق (الله يعين)
وايش تنصحيني في انترلاكن ابي شقه كويسه ورخيصه
اذا عندك فكرة ياليت تفيدينا