يا اخواني الله يعزكم و يكرمكم اللي يعرف يرشدني و ينورني في هذا الموضوع ما يتأخر عليّ و لكم جزيل الشكر و وافر الاحترام

السلام عليك اخي في الله استاذ محمد انا كمان مصريةو باذن الله تعالي
زوجي بعتلي زيارة للكويت في شهر مارس وصعب انة يعملي اقامة دائمة
وطبعا بسبب الايجار الغالي جدا بالنسبة لنا في مصر يعني لو حضرتك احضرت زوجتك ممكن تصرف تقريبا اقل حاجة 400 دينار ايجار واكل ومصاريف بيت
وطبعا الايجار بيختلف من منطقة الي اخري شوف انت شغلك فين وهتسكن قريب منة
ويا سلام بقي لو كان سكنك علي شغلك كدة تتحل مشكلة كبيرة وربنا يكرمك باذن الله
وبالنسبة للسكن فية انواع منها شقة لوحدك حجرة وصالة مثلا تقريبا 180 الي 250 دينار
لو استديو وفرد واحد بيكون السعر اقل وبتختلف برضة مفروشة ولا الفرش عليك
وايضا فية سكن مشترك بين مجموعة وهناك اقاويل ان كل الايجارات هتقل بسبب الازمة المالية
بالنسبة الي الاكل معقولة مثل اسعار مصر تقريبا ما عدا اللحمة الكويسة
من 4 الي 5 دينار تقريبا يعني الكيلو 80 الي 100 جنية مصري
دة موقع كويتي ممتاز لعروض الشقق الايجار اختار من علي ايدك اليمين كلمة عقاراتنا
اسفة الي الاطالة بس حبيت لوضحلك الصورة من وجهة نظر مصرية
موقع عقارى http://www.aaqary.com/Default.aspx

الأخت الكريمة هاميس ,, جزاكم الله خيراً على ردك المفصل و لا تعتذري أبداً عن الإطالة ,, لو كان ممكن تطولي أكتر كان هيبقى أفضل ,, جزاكم الله خيراً مرة أخرى , لكن لدي استفسار بسيط يا أختي الكريمة
بالنسبة للاستديوهات , أنا دورت في الموقع بتاع عقاري و لقيت ان الاسعار ممكن تبدأ من 120 د.ك , وده شئ مناسب أعتقد , لكن استفساري بشأن هل بتكون مفروشة و لا الفرش عليّ أنا ؟؟
و نقطة تانية بعد اذنك ,, هي الإقامة بتتكلف كام للزوجة , لأن أعتقد ان الشغل هيوفر لي اقامتي أنا فقط ؟؟
و جزاكم الله خيراً كثيراً

فعلا اخوي محمد ... السكن في الكويت غالي ... نفس ما قالت الاخت هاميس
الاحسن انك تراجع حساباتك ... و ان شاء الله تتوفق بالوظيفه
و حياكم الله بالكويت

السلام عليكم ورحمة الله وبركاتة
اختي العزيزة صاحبة الموضوعات المميزة المرام شكرا علي تحيتك لنا وان شاء الله نستمتع بزيارة البلد الشقيق الكويت واكتر حاجة عجبتني اني هلحق هلا فبراير لانة هيبدا من 15 فبراير الي 15 مارس
ازيك يا استاذ محمد انا هرد عليك حسب معلوماتي
اولا بالنسبة للاستوديو
تقريبا بيكون مفروش وبية امكانيات برضة مثل النت وموقف خاص بالسيارات وساعات بيكون الكهرباء والماء علي صاحب العقار المالك
وفعلا علشان حضرتك فرد واحد يبقي الاستوديو مساحتة صغيرة هتكفيك وبيكون شامل حجرة بها مطبخ امريكي وحمام منفصل
ولنفرض ان مفيش عفش فدة امر بسيط قوي ممكن تبقي تزور سوق الجمعة علي طريق الري تقريبا مش متاكدة قوي من العنوان بس مشهور سوق الجمعة للاثاث دة عبارة عن عروض لفرش مستعمل وبيكون في حالة جيدة وتفرش اللي يعجبك وباسعار رخيصة قوي تناسبك وانت برضة مش هتحتاج فرش كتير
ملحوظة بسيطة ( كل منطقة بالكويت باسعار مختلفة يعني الفروانية ليست كالسالمية ) زي مصر اللي ساكن علي النيل مش زي اللي ساكن في حارة
شوف شغلك فين وفي اي منطقة ودور علي سكن مناسب في هذة المنطقة او حولها واحذر من المواصلات زي مصر واكتر المشوار ممكن ياخد 5 دقايق وفية اشارات تقعد ساعة
ثانيا اقامة الزوجة
فية نوعين من المصاريف هنا في مصر تبع السفارة الكويتية والتحاليل في المستشفيات وهكذا الخ الخ نفس خطواتك اللي عملتها قبل السفر بالظبط وبنفس التكاليف
والنوع الثاني لما زوجتك توصل بالسلامة الي الكويت بتعيد نفس اللي عملتة في مصر وبتكلف تقريبا 70 دينار
وبتكون مع حضرتك علي الكفيل بتاعك
والصعوبة بتظهر في مصاريف العيشة بعد كدة وليس في مصاريف السفر ولا الاقامة

حبيبتي هامييس
الكويت بلدكم الثاني
و نتمنى لكم طيب الاقامه و التوفيق من الله في حياتكم و الوظيفه
جزاج الله خير على مساعدة اخواننا بالمنتدى

السلام عليكم ورحمة الله ،،،
اخوي راتب 600 دينار مبلغ طيب واذا انت لوحدك طبعا يكون افضل .. بس اذا انت مع زوجتك أوفر لك .. لانها سوف تقوم بالطبخ وغسيل اللبس وتنظيف البيت بدل ما تذهب الى المطاعم او المصبغة لغسيل الملابس واذا انت شاطر بالطبخ والغسيل حتكون موفر جامد ...
وبالنسبة لهامس اقول حياج الله بديرتك الثانية .. بس احتمال ان ما راح يكون في احتفال في هذه السنة في هلا فبراير .. لان وضع غزة ما يساعد على الاحتفالات ...

afkw
شكرا علي المعلومة اخي الكريم دي اول مشاركة ليك واستفدت منك بمعلومة كويسة
بس علي فكرة انا عارفة ان الاحتفالات فعلا واقفة بسبب الموقف السئ جدا
في غزة ربنا ينصرهم ويثبت اقدامهم ويتوحد العرب علي كلمة عربية اسلامية لنصرتهم
امين يا رب العالمين

لازم تعيش على الاقل سنة بالكويت لوحدك عشان تتعرف على نمط المعيشة فيها
وما شاء الله معاشك ممتاز بالنسبة لوافد والله يديم عليك نعمته
وانت بيدك تقدر تتحكم بمعيشتك
تقدر تعيش بالكويت شهر بربع راتبك وتقدر تصرف راتبك بيوم واحد بعد
بالنسبة للسكن احسن لك تشوف شقة عزابية مشتركة بحولي او السالمية
او بالمنطقة القريبة من دوامك
وبالتوفيق ان شاء الله