الشميسي هي نقطة أمنية بين مكة وجدة ولكنها أقرب لمكة والسكن هناك أفضل وأرخص. ربما تبعد عن جدة نصف ساعة. أنصحك بالسكن بمكة في الأحياء المجاورة لشارع الستين (شارع عبد الله العريفي).
ولو تصر على جدة فأعتقد الأنسب لك كعازب ربما حي الجامعة أو طريق مكة القديم.

فعلاً أخوى..
النقطة تقع فى ثلث الطريق الأقرب إلى مكة المكرمة ..
وأنصحك بطرح نفس التساؤل فى بوابة الحرمين

أولا شكرا على ردودكم ،
أنا أريد السكن في جدة ..
أنتظر المزيد من الردود و شكراً مرة أخرى
تحياتي

اول شي ربي ييسر لك عملك
بالنسبة لجدة راح تنبسط فيها مرة وراح تتعود عليها ومع الوقت راح تصير من محبيها يمكن حتتعب من الرطوبة فترة لانك مو متعود عليها
بالنسبة لمكان عملك هو بعيد عن جدة وهو في الطريق لمكة بس الطريق عموما دائما حركة وكله ناس 24 ساعة ما يفضى
بالنسبة للسكن ماعندي اي فكرة عن شقق للعزاب بس يبغالك شي يكون قريب من الخط السريع علشان شغلك حاول تتصل على اي مكتب عقار موثوق واعطيله مواصفات السكن وهو راح يدلك طبعا راح ياخذ عمولة بسيطة
وبالتوفيق

مكاتب العقار مارح تتضيعك
وحاول انك تشوف في السلمانيه او الجامعه او في طريق مكه القديم (كيلو 14 حي العدل الروابي مشروع الامير فواز)
وبالنسبه للشميسي هو اقرب لمكه صح
لاكن برضو قريب من جده يعني يمكن في 40 كيلو
والخط دايماً في الايام العاديه متوسط الحركه او اقل من المتوسط بشويه يعني تتراوح السرعه مابين 80 الى 160 وفوق
يعني من الخط لا تخاف ما تلقى زحمه ولا حتى ايام الحج
وبالتوفيق

أهلا وسهلا بك أخي الكريم في جدة
ما دمت ترغب في السكن بجدة ، أنصحك بالبحث عن سكن مناسب في حي الجامعة
وفقك الله

مشكورين جدا والله ما قصرتوا و طبعا معروف عن أهل الغربية طبيتهم
شكر خاص للأخت مسلمة لله لوضوح ردها
ولا زلت أنتظر المزيد من الردود بالنسبة للسكن ..

أخويا تراك رح تتعب لو قعدت في جده ..
لأنوا الشميسي يعتبر من مكة والكثيرين يعرفوا إنهم بمكة بعد نقطة التفتيش حقت الشميسي ..
وعاد الله يعينك على الروحة والجية .._<
لكن على العموم براحتك مدري يمكن لك ظروف ..
بس نصيحة مني ترا 25 و 30 ألف تعتبر مره غاليه للعوائل فما بالك بعزوبي ..!!
وإنتا بهذا السعر تستأجرلك فلة صغيرة أبرك ..
إنتا مدامك عزوبي خذلك شقة عزوبيه ويامكثرها في جده ولا بالإشتراك كمان ..
يعني توفر نص الإيجار ..
وهذا إلي عندي ..^^
أما بالنسبه للأماكن أكتب إعلان في جريدة الواسطة ما يكلفك 10 ريال ..

ألف شكر على ردودكم و الله يجزاكم الخير
أشكر الأخ قاطع البحار
و الأخ الطائر الجريح
على ردودهم الوافية ماقصرتوا والله
بالنسبة لبعد المكان و كإنه سفر كل يوم للعمل .. بالفعل هذا الشيء هو اللي مخليني متردد بكل هالوظيفة ، بالرغم من ان العمل يوفر لي باص ينقلني كل يوم من و إلى العمل ...
أنا سألت من هنا و هناك قالولي تبعد عنك من ثلث ساعة إلى نص ساعة ..
أدري ان لو ازيد ربع ساعة بكون وصلت مكة ..
بالنسبة للسكن .. انا اعطيت سعر على حسب أسعار الرياض الغالية ...
و أيضاً لأني اعرف ان المجمعات أو الكمباوند أغلى نسبيا من غيرها ..
أنتظر المزيد من أراءكم و مشاركاتم المفيدة والله يجزاكم ألف خير
تحياتي