حموشي
18-12-2022 - 05:45 am
ابوفواز الله يعطيك العافيه ....... مجهوداتك ملموسه جعلها الله في ميزان حسناتك
سؤالي الاخير لاني احترت لابعد حد ....
ماهو الفندق النظيف وبالسعر الطيب في الشانز او الاديفانز
مع البحث وقع اختياري على هولاء الفنادق ....ولاعليك امر ممكن ترتبهم حسب الافضليه ( النظافه /الاحدث) لان اسعرهم متقاربه
Bassano
best westren chammpelsees
Pulman ladefense
Softil Paris ladefence
Hilton ladefense
Regent garden
انا كنت حاجز في كالفوربنيا ولكن دخلت التقيم في بوكينغ كل الخليجين مايمدحو فيه فعدلت ....وفي النهايه انا ودي بفندق في حدود 200 يورو في الليله بس اهم شي النظافه وان يكون حديث ...لاني اكره الشي القديم
بارك الله لك في وقتك ومالك وولدك .....وعيدك مبارك
وانت ايش احسن فندق سكنت فيه وارتحت (سؤال لقافه)
و
عيدك مبارك وكل عام وأنت بخير
تبي النصيحة الصادقة ولا تدور غيرها وتتعب نفسك
اسكن فالهيلتون لاديفانس على طول
ياخوي مكانة يرد الروح ويريحك نفسيا وبدنيا ولياقيا كل شي منك قريب
اللاديفانس هي باريس الجديدة وهالفندق من أفضل فنادق باريس وموقعة بهالساحة الجميلة وعندك على طول مول من افضل مولات باريس واحدثها وبهالمول خط مترو وخط الرير (القطار)
أكثر من مرة كنت أتمشى منة الى الشانز وكنت أحرص على هالشي كل ماتوفر الوقت لانك تمر أماكن حلوة وتعبر النهر وتمر البورت مايو وقوس النصر وياخذ منك هالمشوار بحدود 45 دقيقة ويمر الوقت من دون ماتحس
انا ماراح اقارن راح انصحك تسكن في هيلتون لاديفانس فقط