ام .. شرايج في زيورخ ..
ومن زيورخ تروحين لوزيرن وإنترلاكن و واايد مناطق ..
إن شا الله الأعضاء يفيدونج أكثر ..

إختي الكريمة
أسبوعين مدة قصيرة جدا على عدد كبير من المناطق لكن ممكن تترتب مثال
الوصول لميلان والتوجه إلى لوغانو 3 أيام زيارة ميلان من لوغانو ومن بعدها انترلاكن 6 أيام وبعدها ديفون 6أيام .
أما إذا كانت 10 أيام فتكون سويسرية فقط أفضل 5 ليالي انترلاكن و 5 ليالي ديفون وزيارة المناطق القريبة برحلات يومية والأهم إيجار السيارة هو الافضل .

وعليكم السلام ورحمة الله وبركاته
هلا وغلا أختي ام حموني
هل لكم غرض معين في ايطاليا ولا مجرد سياحه !!
إذا كنتوا مجرد سياحه فأيطاليا تراها حاره بالصيف ..يعني يبيلكم مظله من الشمس ..
شهر 10 الي فات ( يعتبر الجو بارد في كل اوروبا ) كنا في انترلاكن وبعدها رحنا ميلانو 4 ايام وبعدها روما 4 ايام ومرينا على برج البيتزا .. تخيلي الحراره كانت في انترلاكن ماتتعدى 5 ولما رحنا ميلانو كانت الحراره ماتنزل عن 20
والرحله كلها اسبوعين ..يعني انترلاكن الحالها يبيلها 10 ايام ..
إذا ممكن اتخلونها كلها في سويسرا أشوفها اريح لكم وخصوصاً ان الجو بيكون حلو وبارد في سويسرا عكس ايطاليا ..
قرروا الي خاطركم فيه واحنا تحت امركم

ام حموني
رغم حراره ايطاليا في الصيف والتي قد تصل الى 35 درجه غلا انها مليئه بالمتاحف والاثار و الاسواق الجميله
يمكنكم المكوث في روما 3 ايام لزياره الاثار القديمه والغنيه بها المدينه
ثم التوجه الى فيرونا لمده ليله لزياره ماتبقى من الاثار وزياره برج بيزا المائل و متحف الوحات والذي يعتبر الاكبر بالعالم
ثم قضاء ليله في فنسيا الجميله
بعدها التوجه الى ميلان
او لقانو لمده ليلتان
...............
بهذا تم قضاء 7 ايم في الطابع الايطالي الذي يتميز بالسهر والمتاحف والاثار
بعدها التوجه الى سويسرا دره جبال الالب
الوجه الى انترلاكن التي تلبي كل من الجمال الطبيعي والثلوج والرحلات مابين الغابات والبحيرات
المده المقترحه 5 ايام
.................
بعدها التوجه الى زيورخ لمشاهده شلالت الراين والاستعداد الى العوده
وانا في الخدمه دايما

القطري
نفس الراي ..
و الاستقرار أفضل لكم , خاصة إن معاكم طفل

مشكورين اخواني على الردود والافكار الحلوه والله ما تقصرون ... ادري المدة قصيره بس انا احب اتنقل واضرب عصفورين بحجر مثل ما يقولون ما دام انا مسافره احب اشوف اكثر عن بلد مو واحد بس ...
البسبوسي
هلا اخوي حبيت الفكره وايد ... بس صعب اتنقل وايد عشان جذيه انا افكر استقر في مكان واحد في ايطاليا ومنه ازور اكثر عن مدينة و ارجع بنفس اليوم .... بليز ساعدني فكرت بهذي الخطه
اولا الوصول لميلان اقضي فيها اسبوع ازور من خلالها فلورنسا ( يوم واحد بس وارجع بالقطار ، ما اقدر ألغي فلورنسا لان اختي رايحه عشان تزورها ) وازور لوغانو و فينسيا بعد بالقطار يوم وارجع
بعدين بالقطار اروح انترلاكن خمسة ايام و يومين زيورخ مثل ما قلت شو رايك رد علي ضروري الله يخليك وشكرا

يعني روما نلغيها من القائمه !!
إذا الغينا روما فخلوا يوم فلورنسا ويوم فينيسيا ويوم لبرج بيتزا المائل ( حوالي ساعتين ونص من ميلانو بالباص لأن القطار ماأيروح هناك ) ويوم لميلانو وأستكشافها ويوم للمتاحف في ميلانو وتقدرون اتخلون يوم حق لوقانو ومنها تضربون عصفورين بحجر لأن لوقانو فيها مجمع الفوكس تاون ونفس الوقت تتغدون هناك في أحدى المطاعم الي على البحيره وأتردون ميلانو ..
والشور لكم طال أعماركم