قريته بشكل سريع شفت اشياء يبيلها تعديل زي الثورببارك واتون تاور كل وحده فيهم بجهه مايمديك عليهم بيوم واحد
بيكاديللي سيركس (piccadilly circus)
هو ميدان وساحة وليس سرك بمعنى العاب ولكن يعرض به من وقت للآخر بعض المهرجانات كالعاب السيرك والفعاليات الاحتفالية وهذي انت وحظك قد يصادف وقت وجودكم بعض منها
لي رجعه بالتفاصيل باذن الله

مشكور يااخوي الصراحة انت ماعليك قصور انتظر تعديلاتك

حياكم الله
ماقصر مشرفنا
تقريبا نفس جدول 7 ايام
البيكاديلي قريب من الاكسفورد ممكن مشي 10 دقائق والهايد بارك ملاصقة للاكسفورد و الاجول رود
يعني ممكن يكون البيكاديلي في اليوم السابع
واي خدمة حاضرين

مشكور أخوي ايوه هو رحلة 7 ايام صح
بس اخوي فارس الجبيل له تعليق على اليوم الرابع وانا مب عارفة شو الغلط او البديل شو
يقول المكانين بعيد عن بعض

اليوم الرابع المقصود احدى الثنتين يا الثورب بارك يا التورن تاور
الايوم الاول والثاني والثالث والسادس انا اخلصها في نفس اليوم

1. بينما الثورب بارك http://www.thorpepark.com في جنوب لندن

يسعد مساكم
السلام عليكم
العفو اختي الشكر لله سبحانه وتعالى اللي سخر لنا هالامكانيات والتكنولوجيا وصرنا كأننا في بيت واحد وكني اوصف لأاختي وين تروح وتجي باللي الله يقدرني عليه واعرفه
اقصد اختي ان الالتون تاور http://www.altontowers.com في شمال لندن وتستغرق الرحلة بالقطار ساعة ونصف تقريباً
للذهاب الى Alton Towers يوجد قطار سريع مباشر وهو قطار Virgin Trains ويتحرك من محطة Euston Station بلندن الى محطة Stoke-On-Trent .
ومن ثم يتم أخذ باص الى Alton Tower والباص في العادة يبدأ في التوصيل بعد الساعة 10 صباحا . وتستغرق المسافة 15-10 دقايق .

بينما الثورب بارك http://www.thorpepark.com في جنوب لندن

تروحون لها بالقطار او سياره خاصه لمنطقة اسمها ستاينز Stains تقريبا مدة الرحلة 45 دقيقة وتكلفة التذكرة 6.60 باوند للشخص واول ما توصلون هناك محطة ستاينز في باص مجود في المحطة مكتوب عليه الى الثورب بارك وياخذكم هناك ب 3 أو 2 باوند للشخص مع الرجعه .... والدخول للثورب بارك كان ب 28 بارند للشخص ..... ويفضل الذهاب بلبس بحر .. لانه فيها ألعاب مائية ...
يعني ماتقدرين تجمعين بينهم بيوم واحد لكل وحده فيهم يوم خاص فيها خاصة اذا علمتي انها من اكبر الملاهي في اوروبا وتقدر مساحتها بالهكتارات كما ان التون تاور كذا قسم فيها والتنقل بينهم بالتلفريك من طول المسافه
باقي الجدول ممتاز وحاولي ماتتقدين بالجدول لان بيوم واحد بتكتشفين بنفسك كذا مكان وبتفكرين باشياء جديدة في حينها بيوم واحد بامكانك زيارة الهارودز مثلا والبكاديلي وترافلجار وان فيكم نشاط بعد ترييحة قصيرة بامكانكم زيارة لندن اي وبيج بن لندن ملمومة احسها ومافيها مشاوير طويلة وكل شي قريب بالمترو
هذا والله يوففقكم

تسلم أخوي ماقصرت الصراحةوأشكر جميع الإخوان اللي عطوني معلومات ونصحوني
تقريبا رتبت الرحلة شكرا

اتمنى لك رحلة جميلة وسعيدة وموفقه بأذن الله
تروحون وتجون بالسلامة ان شاء الله وابد لاتترددين في اي سؤال او استفسار بشي مو واضح لك كلنا تحت امركم وبخدمتكم
والله يحفظكم

السلام عليكم
ماشاءالله تبارك الله ماقصر مشرفنا ويستاهل الثناء ..
ولكن مشكله المشرف الثاني ^_^
ايجي ايقط لك كلمه ويطلع ^_*
حط الي عندك وغير ولا ضيف ولا سولك شي ههه
متى السفر ان شاءالله !
لأنه اذا هالوقت لازم انتأكد ان الثورب بارك فاتحه ..التون تاور خلاص افتحت ..
والجدول فيه فراغ اشوي ومانقدر نحكم عن الجدول الجديد لأنه ماشفناه ^_^