السلام عليكم ورحمة الله وبركاته ..
اشكر الخبراء والاعضاء وبالذات في قسم المانيا على سرعه تفاعلهم ومشورتهم لي .. لكن استفساري هالمره يخص سويسرا ..
انا من 3 شهور اخطط وارتب لجوله في شهر اغسطس والحمدلله راضية عن اللي وصلت له , على اني متأخره شوي ..
حنا عائلة مكونه من 6 اشخاص وطفلين ..
تخطيط الرحله بيكون كالاتي :
الوصول ميونخ , الذهاب مباشرة بالقطار الى مدينه اولم واستلام لاسياره من هناك ..
الليلة الاولى في اولم , اليوم التالي الذهاب الى مدينة بادن بادن الالمانيه ..
بعدها مدينه باريس , بعدها مدينه جنيف , ثم انترلاكن , ثم زيلامسي , ثم فيينا والعوده من ميونخ ..
طبعا جوله كبيره وبتحسونها متعبه بالنسبة لعائلة معها اطفال , لكن تقسيم الايام مرضي ومريح لحمدلله ..
حجزت فنادق وسكن في كل المدن باسعار حلوه ..
لكن يوم جيت اطبع تأكيد الحجوزات لاحظت ان حجز انترلاكن ملخبط , حاولت اعدله وما قدرت لان الفندق مشهور ومحجوزه كل الغرف في اغسطس ..
ف اضطريت ادور حجز ثاني ومالقيت
ياليت تساعدوني بهالنقطه
افضل يكون كوخ , او فندق ريفي .. واذا مطل على بحيره افضل ..
مع مراعاة السعر لاني احتاج 3 غرف ..
ثاني حاجه اتمنى من احد الخبراء ينظم لي جدول شامل للاماكن السياحيه في انترلاكن وجنيف .. لاني ما قدرت ارتب اموري
واسفه على الاطاله , مشكورين مقدما ..