1. ورحنا على هناك ما كانت المسافة بعيدة تقريباً على ما اذكر 20 دقيقة


2. بعدها رجعنا لسكاكا وتغدينا وبعدها رجعت

مساء الخير على الجميع
كيفكم مع بداية البرد يا جماعة ؟!
على طاري البرد تذكرت العام الماضي رحت لسكاكا عندي شغلة اخلصها وارجع جلست لي يومين ورجعت
وكانت الرحلة حلوة بس ما توقعت ان المنطقة باردة لدرجة مو طبيعية حظي السيء اني رحت بالشتاء
جلست عند واحد من الأقارب وطلبت منه اننا نروح نشوف آثار الرجاجيل اللي كثير نسمع عنها
والله ماقصر الرجال عرفني على المنطقة بشكل سريع واحنا قاعدين ندور بالسيارة وشفت في وسط سكاكا قصر قديم سألته قال هذا قصر ابراهيم عيشان الحمداني السرحاني
وقصر زعبل بس ما نزلنا شفناه من بعيد ..
بعدها عزمنا واحد من ربعه على السهر عنده بس في دومة الجندل وقال وش رايك نروح ونغير جو

ورحنا على هناك ما كانت المسافة بعيدة تقريباً على ما اذكر 20 دقيقة

رحنا على هناك وسهرنا سهرة حلوة انا ما اعرف المحافظة وكانت أول زيارة لي فيها طبعاً ونمنا عند الرجال ومن بكرة الصباح طلعنا ومرينا بوفية أفطرنا وبعدها قال صاحبي قبل لا نرجع لسكاكا خليني اعرفك على ابرز المعالم اللي هنا
وقعدنا نتكلم شوي عن المنطقة والخدمات اللي فيها يعني اخذنا ندردش الين ما وصلنا الى مسجد عمر بن الخطاب وقال هذا مسجد عمر بصراحة ابهرني وحسيت بشعور غريب واللي لفت انتباهي فيها مئذنة المسجد وبعدها مشينا الين ما وصلبي قاعة قديمة قال
هذه اسمها قلعة مارد وهي قلعة أثرية قريت عن القلعة قبل كذا

بعدها رجعنا لسكاكا وتغدينا وبعدها رجعت

بس المنطقة عندهم عاداتوتقاليد مختلفة شوي عن باقي المناطق طبعاً هذا من ضمن اللي تكلمت فيه انا وصاحبي
يقول الزواج عندهم في المنطقة بسيط ولا يكلف وعندهم بالعيد شي اسمه العدا وهذا تتكيز فيه المنطقة مجموعة من الأولاد قبل العيد بيوم او يومين يجمعون جذوع النخل اليابسة ويحطونها على شكل هرم علشان يولعون فيها نار يلعبون من نورها العابهم .
وفيه ليلة الخضاب أو الحناء وهذا خاص بالحريم علشان يتزينون للعيد
أما أشهر أكلاتهم اللي حبيتها المشورب وهو عبارة عن خبز المقشوش على الصاج ويصب المرق واللحم والخضار فوق الخبز وفيه طبعاً الجريش والرز واللحم
وبشكل عام المنطقة حلوة واسعارها معقولة في كل شيء

• ملاحظة

فيه صور مأخوذة من مواقع ثانية لبعض المواقع اللي ماصورتها
وللتعريف اكثر بالمنطقة
تحياتي