Nikkor
07-08-2022 - 03:38 pm
السلام عليكم ورحمة الله
لو سمحتوا سفري الاسبوع الياي بكون في النمسا لمدة اسبوع وعقب بروح على سويسرا لمدة 4 أيام ، وأريد اعرف بعض الاشياء المهمه: مثل الستيكر الي يلصقونه على السيارة شو فايدتة وهل هو اجباري! ومن وين أقدر اخذه ؟؟؟
والشي الثاني قريت مره فيه بطاقه اعتقد اسمها سويس باس او شي جيه المهم انها تسوي خصم على وسائل المواصلات ، واحنا عائله 9 اشخاص وبيكون عندنا سيارة لكن اريد اعرف اكثر عن هالبطاقه وهل بتفيدني فالخصم في سالفه القطارات خصوصا القطار الي يطلع على القمه؟ واذا كانت فعالة اريد اعرف من وين اقدر اخذها؟؟
واستقبل اي نصائح اخرى ويعطيكم العافية
صراحة استئجار السيارة تأكد انها راح تكون افضل خيارات الرحلة وراح تكتشف ذلك اثناء تجولك حول اوروبا ..
اما عن الستيكر فيجب وضعه بالزجاج الامامي .. سعره ( 40 فرنك ) تجده بجميع المحطات على الهاي وي
واعتقد ان مكتب تاجير السيارة سيضعه لك لان اغلب السيارات المؤجرة حسب فهمي تجد الستيكر .. ولا يمنع
ان تطلب الستيكر من مكتب التاجير بالمطار في حال لم تجده.
اما عن السويس باس .. صراحة ماعندي علم كامل لها .. لكن في كل مرة اركب قطار لايصالي لبعض المناطق
يسألني مكتب قص التذاكر ( هل معك سويس باس ؟ ) , مثل ذهابي لقمة اوربا في انترلاكن ( جونغفرو ) طلبوا
مني السويس باس ..
بالتوفيق