1. المهم ..


2. 0دينار ترا مع التسوق للمدام شوي صعبه حق 22 يوم علي الاقل ..

السلام عليكم
اول شي انصحك تشيل سالفه سياقه السياره من بالك
اول شي تتعود عليها بساعتين هذي نكته سنين و الناس تروح و ليلحين بالغلط بالشارع بدال لا نلتفت يسار نلتفت نشوف اليمين و احنا نعبر الشارع هذا و احنا بنعبر بس
السالفه مو ذكاء اخوي .. السالفه ممارسه و تجربه اما ساعتين هذي حتى جونقر ما يتعلم فيها .. و انت معاك عايله و يهال ماعتقد انك بايعهم
الشوارع و النظام و السواقه في لندن مختلفه بتاتا عن اوربا و امريكا .. اوربا و امريكا عادي جنه بالخليج بس لندن غير حتى الدوار يمشي عكس .. الباصات القوانين الوقفات الاشارات كلها غير ,..
ثانيا بتدفع دبل ثمن المواصلات .. اي دبل الا دبلات .. بسبب غلاء سعر المواقف و بتبلش بالسياره وين تحطها ووين تركنها ..
ثالثا .. مافي اسهل و لا اروق و لا اونس من مواصلات لندن العامه .. الباصات و االقطارات و الاندرقراوند .. بتفقد جزء مهم من زياره لندن اذا ما جربتهم ..
و طبعا راح تجربهم و تعتمد عليهم لانك حتى اذا صممت علي رايك و اخذت لك سياره تذكر كلمتي ماراح تكمل يوم و ترجعها صراحه دامها اول زياره لك لبريطانيا

المهم ..

0دينار ترا مع التسوق للمدام شوي صعبه حق 22 يوم علي الاقل ..

يعني مثلا لو حجزت فندق 4 او 3 نجوم بلندن حق الصيف اذا شي نظيف و موقع زين .. اقل شي الليله قول 60-70 دينار اذا العرض واو .. ب 21 ليله .. هذي 1500 راحت سكن .. اذا السكن عادي مو مستوي راقي و لا موقع بيرفكت طبعا لان فنادق لندن نار .. حتى لو بتاخذ شقه اقل شي بالاسبوع 1000-1200 باوندز .. 3 اسابيع قول 3000 باوندز .. هذي 1500 دينار نفس الشي ...
بيبقى 3500 دينار .. في افضل الاسعار بتحصل التذكره علي 200 دينار اذا حظك حلو .. اهيه صعبه حق شهر 7 بس ممكن مع العروض و الحجز المبجر .. و الصغار طبعا اقل .. قول هذي 800 دينار رايحه تذاكر .. يبقى جم ؟ 2700 دينار .,
مصرف يومي قول الشخص 50 باوندز هذ. اكل و مقاهي و مواصلات و نثريات .. شخصين كبار و 3 صغار نحسبهم 170 باوندز باليوم؟ هذي 3700 باوندز .. يعني قول 1700 دينار ..
يبقى 1000 دينار .. اذا تكفي تسوق المدام توكل علي الله :d
هذي طبعا حسبه مع افضل العروض و الاسعار .. انت و حظك ..
تبي طبيعه و ريلاكس روح البحيرات .. ليك ديستركت و اقعد عند بحيره ويندمير الاكبر .. و زور الي حواليها ..
و اسكتلندا تقدر تروح 4 ايام مناسب .. و البحيرات 3 ايام ليلتين زينين .. مانشستر ليله ليلتين بس كافي عليها يوم مانشستر ويوم بلاك بول يمها ..
و يصير الباقي كله في لندن .. و تروح رحلات خارجيه يوميه لي برايتون .. بورتسموث .. الاوت لت .. كارديف .. ليدز .. ثورب بارك .. التون تاورز .. و هكذا .. ممتاز الجدول جذي ..
ماعتقد بما انها زيارتكم الاولي لبريطانيا ان تروحون ايرلندا بعد فكره مناسبه .. خلكم خلصو لندن و ضواحيها و ترا 3 اسابيع مو وايد علي لندن ..
تابع موضوعي اللي في توقيعي معاي و ان شاء الله لي وقت سفرتكم الا خالص :d بتحصل فيه اللي تبيه ان شاء الله

تسلمين يا بنت بلادي
طيب نكنسل فكره سياره داخل لندن
بس بره لندن
ممكن اسوق سياره
قاعد اشوف امريكان اول مره يروحون بريطانيا يسوقون سياره
اقصد بره لندن
بالنسبه للرحله ماقلتي لي ترتيب رحله
يعني اول شي وين اروح ثم ثاني والثالث والرابع
والاخيره خليها لندن قبل رجعة 10 ايام
شكلي راح ازيد الميزانيه
0الاف دينار
مع ان وراي بنيان بيت في صباح الاحمد

ان شاء الله الكويتيه تسويلك جدول
بس انا اقول اول اسبوع في لندن واخر 4 ايام او اكثر في لندن
بعدين ليش تحب تتعب عمرك والمواصلات متوفره ومافي اسهل منها ,, اول شي هناك السواقه عكس الخليج , ثاني شي المواقف , ثالث شي البترول ..
خلك على الباصات والاندرجراوند احسن
وابحث عن شقه احسن لان عددكم كبير وما تكفي غرفة وحده

ممكن تقعد لك اسبوع في لندن .. بعدين تروح لك 3 ايام مانشستر .. بعدين البحيرات 3 ايام .. و ترجع لندن .. و من لندن تطلعون رحلات يوميه .. تروح الصبح و ترد بالليل يعني .. اذا تبي تروح اسكتلندا هم ايضا تقدر تحط 4 ايام اسكتنلدا و تشيل البحيرات حسب اذواقكم انتو؟
يعني هل تبون ريف و بحيره و مناظر طبيعيه و بس؟ اذا تبون زورو البحيرات اذا لا ما تحبون كنسلوها ..

تسلمين اختي
جدول جميل
ساعمل عليه
اسبوع لندن ثم 4 ايام مانشستر ثم 3 ايام البحيرات ثم 6 ايام اسكتلندا ثم 10 ايام لندن
انا زدت عدد الايام السفره الي شهر
لاكتشف بريطانيا
اذا لديكي اقتراحات في تعديل جدول
اكون لكي شاكر
ولجميع من يساعدني في تعديل الجدول الي افضل ما يمكن

ياهلا وغلا فيك ولد يرتي ماقصرو الخبراء معاك
مدام الخبراء معاك لا تشيل هم الجدول*

السلام عليكم ورحمة الله وبركاته
أخوي طبعا ما قصرت معاك إختنا الكويتيه الله يعطيها العافيه
مثل ما قالوا إذا حجى الشرع الكل يسكت - والكويتية ما قصرت معاك
بس إنت قاعد تذكرني بسفرتي العائلية 2011 لبريطانيا ممكن انها تفيدك وايد
ما عليك إلا أن تنزل الجدول وتضبط جدولك بنفسك
ولا تنسى الحجز المبكر هو السر في رخص الأسعار
أولا :إدخل على هالرابط https://artravelers.com/p/re/606200
ثم إنزل لنهاية الصفحة لان الرابط الاول ما يشتغل --- فإنزل لنهاية الصفحة واضغط على جدول رحلتي العائلية 2011
ثانيا : راح تفتح لك صفحة - إضغط على تنزيل الان وانتظر قليلا
ثم قم بتنزيل الجدول
وأي خدمة أنا حاضر
أما عن القيادة في بريطانيا فإني قمت بتأجير سيارة لمدة 21 يوم والحمد لله سهالات -- زوجي قدر يسوق - بس لازم تتأنى ولا تتسرع بالقياده