النفس الزكية
10-02-2022 - 03:23 am
السلام عليكم و رحمة الله و بركاته
إخواني الأعضاء الكرام و بالخصوص القائمين على هذا المنتدى الرائع كيفكم؟و مبارك عليكم الشهر (بدري)
أنا بإذن الله مسافر مع زوجتي و ابني الرضيع لسويسرا..
بصراحة خليتونا ما نسمع فيها و ما نبغى غيرها
و طبعا السبب في هذا أبو عزيز و أبو ريان ابن بطوطة و الكثير من اللي سافروها و رجعوا متشوقين إنهم يرجعون لها مرة ثانية..
بس عندي كم استفسار..ياريت تفيدونا عشان تكمل سفرتنا بإذن الله..
حتكون 10 أيام من 23 أكتوبر..
إن شا ءالله ناوي أنزلكم جدولنا المقترح بس بعد ما نرتبه تمام (الأوراق كلها كتابات و شخاميط تكاد لا تقرأ )
بس عندي أسئلة عالطاير:
الفوندو..زوجتي معزمة تذوقه (مدمنة جبنة) بس هل اللحم اللي يتقدم مع الطبق حلال و لا؟؟
الشوكولاتة..زوجتي معزمة تذوقها هناك سواء في المصنع أو غيره (مدمنة شوكولاتة) كيف نعرف اللي بخمر و اللي بدون؟
الصلاة..فين نصلي؟أقصد أثناء التنقل من منطقتنا لمنطقة ثانية,فين نوقف و نصلي ؟
و بس..
لا تردونا يا أبو عزيز و أبو ريان و ما يهونوا البقية د
دمتم بود
ممكن اخوي تسأل واطلب لحم بقري
بس فيه نوع فوندو يتكون من خضار وخبز بس ما فيه لحوم واعتق هذا الي ذكروه في المنتدى
الشوكولاتة..زوجتي معزمة تذوقها هناك سواء في المصنع أو غيره (مدمنة شوكولاتة) كيف نعرف اللي بخمر و اللي بدون؟
اشوف كل الاسئلة ملزقه بالمدام !!!!!!!!!!!!!!!!!! ههه
بكل بساطه اسأل فيه كحول والا لا ؟؟ بس ... وهم يردون عليك بكل صدق
الصلاة..فين نصلي؟أقصد أثناء التنقل من منطقتنا لمنطقة ثانية,فين نوقف و نصلي ؟
لحظه بصيغ السؤال مرة ثانيه:
زوجتي معزمة نصلي برا فين نصلي؟؟؟
ههه امزح معك
بس عن نفسي كنا نشوف اي مكان فاضي وماهو طريق ولا مكان جلسات ونصلي
بس كنا نتجنب تحت الاشجار وتحت العواميد وما كنا نقرب مرة من البنيان لان هناك الله يعزك كلبهم ما تدري
وش تسوي خصوصا تحت الاشجار خ
ارجو انك ما تكون زعلت من مزحي ويكون خفيف على قلبك
واي استفسار حاضرين