اهلا بكم ..
سفرتي الأولى إلى لبنان كانت بعد الحرب ب 5 ايام فقط المهم سكنت عند جونيه وبالتحديد فندق اكروبولس 100 دولار
غرفة حلوة جدا والشارع الي انا فيه كان شارع جميل مليان كله كافياهات على ماعتقد اسمه الكسليك لكنه روعه جدا والعالم كلها اخر انبساط ..
طبعا انا احب الحروب والمشاكل احب اعيش جوهاا بس الله لايوريكم شي يخوف مرة .. يعني صارت مرة وانا طالع من الفندق حادث اطلاق نار والعالم تجمعت وانا مدري ايش القصة .. المهم رحت واكلت في مطعم اسمه زيت وزعتر بلا مانويلا بلا غيره صراحه تتغدى فيه ماراح تاكل الا اليوم الثاني تشبع على طول .
اكثر شي النصب والاحتيال كان بطرق كثيرة بس انا قلت هذي دروس وكفوف وكل كف بتعليمه .. انا اقتصادي بشكل كبير .
ركبت بتاكسي واكبر غلط انك تركب تاكسي برى الافضل تطلب تاكسي الو او مدري شو اسمه لكن يعرف الطريق والتسعيره حلوة المهم نصب علي كذلك ..
ركبت مع راعية تاكسي بس هذي نصابه باحترام يعني تعطيها الي تبي وانت ماتشوف الدرب ههه وطبعا ركبت معهاا مرتين وقلت لهاا باي ..
طيب انا اقتصادي وش اسوي في هذه الحاله .. ركبت الباص خط البلده عندنا بالسعوديه ورحت فيه وماكلفني غير دولارين فقط شفتوا الفرق .. المشكله انو الكهرب كان يطفي ويشتغل في اليوم اكثر من مرة . ناهيك عن الاماكن الي محتمل تصير فيها انفجارات ايام اغتيالات الرؤساء ..
جلست فيهاا الي هي مدينة جونيه . 6 ايام لكنها كانت اروع ايام شفتها بحياتي خصوصا وانا لوحدي ما اخذت احد
وللحديث يمكن بقيه ..