من واقع زيارتي المتواضعة للمغرب الحبيب
انصحك تحول ريال سعودي من مطار كازا مع ملاحظة فروق العملة بين البنوك هناك
من ناحية مراكش انا زرتها وشفت اغلب الناس تأخذ في النخيل لخصوصيته
اغادير ما زرتها
اتمنى لك زيارة موفقة وسعيدة وانتبه على نفسك

انا انصحك تحول من مطار كازا أفضل ألف مره
أنا والله فرقت معي 200 درهم مغربي على كل 1000 درهم إماراتي
أنت على الأقل أصرف 500 ريال سعودي من السعوديه تقضي فيها حوايجك بمجرد أن توصل غير الباقي
من المطار
موفق خير

1. والله إني اغبطك هنيالك ياصاحبي موفق ونصايحي كتالي :

والله إني اغبطك هنيالك ياصاحبي موفق ونصايحي كتالي :

• تمنيت إنك وضحت كم واحد مسافر معك أو انت لحالك لكي اقدر اجاوبك بشي تستفيد منه ..
• خذ معك ريال سعودي العمله السعودية مرغوبه عكس تايلاند واوربا وغيره ..
• السكن بمراكش إذا كنت لحالك مراكش بلازا اليوم تقريباً 700درهم وعندك مواقف للسياره في البدروم يعني امورك طيبه
• إذا كانت هذي أول سفره لك وبلحالك فمراكش صعبه عليك ويبغالك سياره خاصه فيك لكي تتجنب الإستغلال وتروح وتجي بسيارتك أزين وتركب بسيارتك اللي تبي وتتمشى معه
• ارشح لك اغادير صحيح اغلى من مراكش بس انت الله يهديك ماوضحت لي المعطيات لكي اخليك تنبسط في المغرب من دون استغلال ولا خساير كثيره ..
• اغادير انصح إنك تسكن في فندق والله افضل لأسباب كثيره صعبه اشرحها لك .

ابعطيك نصايح بشكل عام لمراكش :
1- تستاجر سياره من كازا من المطار تستلمها بحدود 300درهم
2-السكن النخيل او شقق بلازا أو جنه النخيل أو قاردن ستس بس بعيده أو فله سكنيه والخيرات كثيره انت من يقررها ..
3- الاكل خل الشغاله تطبخ لكم افضل وانظف لأن المطاعم العاديه سيئه في الجوده ماعدى مطاعم 5 النجوم مثل جاد محل وتكون غاليه بس مره وحده مهيب ضاره لو تاكل منها ..
4- عليك بقليز والكفيات اللي فيها وهذي :
أ- خل هناك شخص في مطار كازا يستقبلك بسياره وانت متفق معه سابقاً والشباب مهوب مقصرين معك من ناحيه كرا السيارات ولا ودي اسوي دعايه لأي شخص .
ب- اتفق معه وانصح يكون معك بطاقه فيزا او ماستر كارد لكي يحجز على المبلغ للتأمين ولا ياخذ جوازك لأن الجواز راح تستفيد منه للكرا اللي بتستاجره للسكن ولكي تحفظ حقك لأن الجواز اهم من روحك
ج- بعد ماتتفحص السياره وتدفع أسأله وين طريق بيقولك امسكه وعلى طول وانصح اول محطه بتجيك قبل التقاطع عب منها لأن بيجيك البنزين وهو مافيه ولا اللي بيبل ريقه فاضي ههه
د- اجعل القارمن هو دليلك في الطريق لأنه هو اللي بتضمنه بعد الله بس كان اللي معي بعض الشوارع مهيب موجوده
ه - قبل لا تسافر وهذا اللي حصل معي افتح هذا الرابط واعرف كل شي من اسماء الشوارع ومن السكن اللي بتسكنه ومن اهم المناطق اللي بتروح لها
هذي هي الخريطه :
سهله ولا على كيفك بس انتبه تضيع لأن عمايرهم كلها بني يعني لا تقول قد جيت ذا الشارع العماير متشابهه والقارمن اسنده معك ..
17- لابد من عمل برنامج قبل لا توصل وين بتروح ووش بتسوي في أول يومين لأن تختلف عن اغادير من ناحيه التنظيم ..
18- مادام إنك في سياحه فالصراحه انا خاويت واحد بريطاني وكان شخص محترم واعجبه وضعنا وبرنامجنا وجلس معنا وعزمنا في مطعم غالي جدا في فندق السعدي وفي حسب البروتوكول الأوربي والغربي عامه واللي اعرفه انا من ناحيه عملي وسفري والله ما يدفع لك ولا درهم واحد بس هذا كان غير البريطانيين ولهذا خاويته لأنهم بعضهم استغلاليين وانا خابرهم زين وخاوينا وحده اسبانيه بس مو انا اللي معي وكانت جايه مثلنا تبي تنبسط بعيداً عن جو الاوربيين وكانت تفكنا من الدرك اي والله إذا كانت بسيارتنا او سيارتها وخاوينا مغاربه وكانوا من حسن ضيافتهم تخليك تشكرهم غصب بس نصيحه تذوق هذا الفن وراح تنبسط
والامور كثيره والخيارات كثيره اهم شي لا تروح للديره وانت فاغر ما تعرف وين تروح وين تجي والله إن تمل ..
الله يوفقك ,,
طبعاً هذا اجتهاد شخصي ربما إني مصيب أو مخطء ولكن ما أحلى الواحد اللي مضبط له برنامج ولا تروح كل شي في يوم واحد خله من بكره ليطول عليك البرنامج ولكي تنبسط ولا تمل ..

ماشاء الله اخي ابو خشب اعطاك كل المعلومات و ممكن نضيف القليل و بعض الملاحظات على نصائح اخ ابو خشب،

• اول شي واهم شي انك تحجز الشقة لي بغيتي تجلس فيها لان مراكش الان عامرة بزاف و للمعلومة شقق بلازا مملوئة يعني اعمل اتصالات،
• قاردن ستس، مابنصحك بها سمعت ان كاين مشاكل امن، فات مني قريب في المنتدى ان بعض الاخوان تسرقو
• بالنسبة للشوارع، هنا عندنا مشكل بزاف ديال ناس ماتيعرفوش اسماء الشوارع و لكن يعرف نقطة اساسية مثلا الى سولتي اي شخص ساحة 16 نونبر، 2 ناس او اقل لي يقدر يعرفوه و لكن الى قلتي ليهم مكتب البريد او ماكدو يا سلام كل شي تيعرفو

و في تجوال كنت تتدكر اسماء مقاهي او مطاعم مشهورة

• في مطاعم كثيرة ولكن طبعا اشنو تيعجبك يعني كاين مطاعم شعبية، مطاعم متوسطة و اخرى راقية

نتمنى انني نكون فدتك و كيف قلت ليك اخ ابو خشب ماشاء الله عليه قال ليك كل شي
تحياتي

ابو خشب + مراكشيه الف شكر لكم على المعلومات هذي
افدتو في اشياء كثيره جدا
بالنسبه لعدد الاشخاص احنا 2 وان شاء الله بنجلس بمراكش 4 ايام وبعدها اغادير 4 ايام برضه
واحنا ال ريدي حجزنا لنا شقه بمنتجع النخيل الي بمراكش
وحجزنا لنا شقه فندقيه بالمارينا الي باغادير
وبالنسبه للمواصلات راح ناخذ سواق بتكسي لانه بما اننا اول مره نرووح فلازم ساايق يكون معانا افضل
(ياليت لو توضح وين القى هالامير الي يدلني وينصحني)؟

على خير ان شاء الله، احسن شي انك حجزتو قبل
استمتع برحلتك اخي

مراكشية و افتخر
شكراً لكٍ ياعزيزتي مراكشيه فأنتم أهل الكرم و السخاء وحق الله إني انبسطت في مراكش جلست 12 يوم كلها في مراكش ..
واشكرك على مداخلتك الجميله وبالنسبه للقاردن ستي أنا سمعت ولكن لا أفضل السكن فيه صحيح رخيص ولكن بعيد وطريقه يخوف بوسط المزارع ..
نسيت أضيف لك منتجع نيكي وش رايك فيه طبعاً مافيه سكن فقط مسابح بنظام أوربي رفيع المستوى وطبعاً له فروع كثيره في ماربيا وميامي ولاس فيقس وتايلاند هل قد جربتيه أو رحتي له أو سمعتي عنه ..؟
وصحيح بالنسبه لساحه 16 نوفمبر هي ساحه قليز بس قديماً كانت تسمى بهذا الأسم ولا يعرفها سكان مراكش إلا القليلون وانتي منهم ..
ألف شكر على مداخلتك عافك