كتبت رد طويل عريض وراح وربي قهر..
الفيزا مايحتاج..
الخطوط أفضل شي هو الرحلة المباشرة ولكن بما أنكم كثير فدور الأوفر.القطرية ممتازة.
مدتك حسب مافهمت انها 17 ليلة من غير يومي الرحلة.
وبما ان معك الاولاد عسى ربي يحفظهم فاقترح تركز على المدن اللي فيها فعاليات
ولهذا الكاميرون ماتنااسبكم لانها هادية ومنتزهات وشلالات فقط.
اقترح جدولكم 3سلانقور-4لنكاوي-4بينانغ-6كوالا. قرر وأخبرنا ونحدد لك الألعاب والمزارات.

وعليكم السلام ورحمة الله
بالنسبه لنا احنا كنا ايضا 7 اشخاص أم وأب والاطفال (13/11/8/4/رضيعه 6أشهر) كان جدول رحلتنا 3أيام بسيلانجور و6أيام بينانغ و6أيام كوالالمبور..طبعا بسيلانجور انبسطو الاولاد كثير بالملاهي المائيه قضينا فيها يوم كامل وماخلصناها كلها ...والايام اللي ببينانغ كانت احلى أيام سكنا في فندق الجولدن ساندس على شاطئ الباتو فرنجي شئ خيال بصراحه مسابح وشاطئ حلو وفعاليات يعني بصراحه ماودكم تطلعون من الفندق وتحسفنا اننا مازدنا كم يوم بعد...كوالالمبور احس كثير عليها 6ايام يكفيها 3 او 4 أيام عشان التسوق لانو اماكن الترفيه والحدائق فيها قليله...بالنسبه للفيزا لايوجد فقط ياخذون بصمه لليد بالمطار...وبالنسبه للجولات بسيلانجور اخذنا جوله فقط في نهر الماينز كانت حلوه...وفي بينانغ جوله ماأذكر كم ساعه بالضبط بس رحنا فيها كل شئ بيوم واحد(حديقة الفواكه /الفراشات/مصنع القهوه والشكولاته والعسل/متحف الالعاب/الهضبه)وكانت قيمة الجوله الساعه ب25 رينجت ...وفي كوالالمبور اهم شئ الابراج التوأم والاكواريوم وحديقة الطيور وحديقة الحيوانات زوونيجارا ...هذي الاشياء اللي رحنا لها وعجبتنا...وبالنسبه للخطوط احنا جربنا القطريه والاماراتيه اللي كانت عليها رحلتنا الاخيره بصراحه فرق كبير مقاعد الاماراتيه اريح بكثير والاكل الذ ومتنوع اما القطريه مقاعدها ضيقه بصراحه طبعا انا اتكلم عن درجه الضيافه...