فهد 2011
19-01-2022 - 02:37 pm
السلام عليكم
مساء الخير للجميع
قبل اسبوع راح صاحبي للسفارة عشان فيزا الشنجن
رفضوا الاوراق عشان الصور ويقولون باقي على السفر اكثر من ثلاث شهور لان سفرتنا بإذن الله في 24 مايو
وراح أمس بعد ماضبطت له الاوراق وكل شي
قبلوها وبعد ماطلع اتصلوا عليه وقالوا لازم تجون بكره عندكم مقابله!!
اول مره صراحه أدري ان فيه مقابله واللي اعرفه ان واحد يكفي
جينا اليوم لقينا واحد قبلنا عنده مقابله
جت العجوز النمساوية وبدت تحشره بالأسئلة وتسأله انت وين بتروح بالضبط وليش وليه بتروح لوحدك ومن هالكلام
وكان المسكين مايعرف انجلش ومخلي اليمني يترجم له
قالت له انت لاتعرف لا انجلش ولا الماني كيف بتدبر امورك هناك واعطته الاوراق وقالت الفيزا مرفوضه!!
احنا خلاص قلنا اكيد بيصير لنا مثله
بعدها جينا ويدينا على قلوبنا
قالت وش عندكم رايحين قلنا سياحة
وسألتنا وين موظفين وكم لكم سنه ولا حتى سألتنا عن السفر ابدا
اللي استنتجته انها تبي تشوف وجيهنا بس وتعرف هل نعرف انجلش والا لا
الحمدلله كان لطيفه معنا شوي وقالت خلاص تعالوا بعد اسبوعين
اول مره صراحه اسمع ان فيه مقابله لنا كلنا
بس الحمدلله عدت على خير
احنا 4 شباب واخذوا على الفيزا الوحده 304 ريال
حبيت انقل لكم تجربتي للفائدة
وأي استفسار انا حاضر
واما اللي يكون مسافر قبل لاوروبا او بريطانيا تمشي اموره بسرعه
اهم شي اخذتوا الفيزا