مساء الخير
معقوله كل بنك له سعر صرف
انا من حوالي 3 اسابيع صارفه عن طريق البريطاني 5,5
ويوم الثلاثاء الي فات صارفه 5,4
اذا كان مو هذا سعر اليورو فحسبي الله عليهم

السلام عليكم
اخواني اذا كان المبلغ اللي بتصرفه كثير اصرف عند الصرافين اللي في البطحاء افيد لك انا صارف يوم الاثنين الماضي اليورو ب 5,25 بس اسئل محلات الصرافه الموجوده هناك قبل الصرف لانهم يختلفون عن بعض وتراها اربع محلات وكلهم في شارع واحد ومن اول محل لاخر محل ممكن 100 متر بس

روح لصرافين البطحاء صرفهم احسن من البنوك بكثير

مشكور اخوي على افادتنا بالاختلافات في اسعار الصرف
طيب احد يعرف صرافين جيدين في الخبر ؟؟

1. ex-change

والله يا شباب انا بقولكم سالفة ويمكن ماتصدقون
انا اخر مرة رحت النمسا قلت خلني اصرف من البنوك واشوف السعر المهم رحت سامبا والاهلي وشفتهم كذا حاطين لوحة بالبنط العريض ترى بننصب عليك
المهم قلت لابوكم لابو من صرف من عندكم
فلوسي عندي واذا رحت هناك بصرف من الصرافات حقتهم
المهم اني توكلت على الله وكان معي 20 يورو بس واول ماوصلت المطار صرفت من مكينة الصرف الي عندهم واقسم بالله اخذت سعر صرف رهيب والله يا شباب كان سعر الصرف على موقع

ex-change

5.23 وانا اخذته بحوالي 5.28 طبعا دخلت حسابي عن طريق النت وقسمت الي مخصوم على المبلغ الي اخذتة ولقيت اني استفدت كثير عشان كذا الي عنده بطاقة سامبا او الاهلي او ساب يروح يصرف من هناك من مكينة الصراف وينتبه للعلامة حقت الصراف
طبعا نصيحة عامة اياني وايكم تغيرون عملة من المطار سواء بالسعودية او النسما
بالسعودية الراجحي ذا سعر الصرف عنده تحصلة زود عن الناس انتبهوا منه وغير كذا والله العظيم يا شباب ان اغلب بطاقتهم ماتشتغل هناك(اقصد الرجحي) لا فيزا ولا ماستر ولا بطاقة صراف وانا اقولكم من باب خبرة وتوهيقة
الي مو متاكد من بطاقة ياخذ معاه كاش عادي انا مرة اخذت معي 13 الف ريال بطاقتي تأخرت بالبريد ولا جت واظطريت اني اخذ كاش وعادي صرفتهم حبة حبة
بالنسبة لل 500 يورو هذي برضو مشكلة ترى مايصرفونها هناك كثير انا توقت بها وجيت تعشيت بمطعم وقلت ماعندي الا 500 يورو وشوي يهاوشني يقول ليش ماقلت لنا خ عشان كذا حاولوا تاخذون 100 يورو وزي كذا
تحياتي لكم