almenhali
15-04-2022 - 04:35 am
السلام عليكم
اخواني سرت محل فريده الكل يمدح فيه وشفت اسعار الساعات على 1800 بات
حسيت ان السعر مبالغ فيه
وما اعرف هل الساعات درجه اولى او درجه ثانيه لأني من الاساس ما عندي خبره
ممكن ادلوني على محل ممتاز للساعات لأني راح آخذ كميه هدايا
واذا ما عليكم كلافه بخصوص النعول اكرمكم الله
سعر النعال في المحلات بجانب قريس على 1000 بات
ابغي اشتري 200 حبه لنفس النوعيه هل اقدر اشتري من المصنع دايركت
ومن وين اقدر احصل المصنع ؟؟ وكم السعر
وآخر استفسار بخصوص دهن العود
وين افظل وارخص دهن عود موجود في بانكوك ..
والسموحه طولت عليكم
وجزاكم الله كل خير
اولا الساعات روح الساعه 5 او6 مساء الى شارع سيلوم رود في شارع الباتبونك هناك بصطات وفيها ارخص اسعار ساعات بالبلد ودائما لو قالك 400 بات اعرض عليه 120 بات وبعد المكاسر عطه 150 الى 200 اقصى شي اما الساعات الكبيره المقاومه للماء اكثر شي 500 بات.
النعل الله يكرمكم روح شوف في الباتونام او اسوق منطقة رشدا يوم الاحد بتحصلها بحدود 400 بات.
العود وبما اني وعدتك اكون صادق فان البلد مافيها الا الحطب المغشوص ودهن العود تحس انه زيت سياره محترق بريحة عود يعني مشروع دهن عود فاشل ماانصحك توسخ ملابسك فيه.
وسلامتك