اختى ام شيخه والله مادام المكاتب قالو لج انه مانعين العرب من الفندق نصيحتى لح لا تسكنينه لانه المكتب اللى يقول انه له علاقه فيه يمكن يسكنج فيه بس انتى ماراح تلقين العنايه الزينه لانه الفندق مايحب العرب اعتقد والله

مرحبا اختي أم شيخه ، احب اعلق على الموضوع اللي طرحتيه ، بالعقل والمنطق ما عمرها صارت حتى في دول أكثر عنصرية وكرهاً للعرب ، انا اتوقع ما توصل إلى هذا الحدّ ، وأكيد فيه سوء فهم من المكاتب السياحية ، ودائماً نظرتنا لأنفسنا تكون قاسية ، ربما لا توجد ثقة !!!
ولكني شيكت عن الموضوع مع أحد المكاتب السياحية بالرياض واتضح لي انه بإمكاني السكن اذا حبيت !!!
ما به فرح .. يامعذبي وأنت لحد غيري !

شكراً يا alqreen على الرد....
أنا توني طرشت مسج حق الفندق من موقع asiarooms .. سألتهم عن هالخبر ... بس الحمدالله ....جاوبوني بهالرد:
We would like to inform you that everybody can make a reservation with Pathumwan Princess- Bangkok -Thailand.(Every nationalites ) Thank you.

طيب ريحتينا بردهم لأني راح أروح أول مره أنا والمدام وناوي أسكن فيه لأني حسيت إنه أكثر شي يناسبني .
يعطيك العافية

للأسف كلام الاخت أم شيخه صحيح !
بالفعل صار لي حتى الآن اسبوعين وانا احاول الحجز في فندق باتوموان لعدد غرفتين ، وردوا علي المكتب هنا في قطر ان ممنوع سكن العرب ( الميدل ايست ) الشرق الاوسط في هذا الفندق وهذي سياسة الفندق الجديده .
للأسف تم التأكد من هذا الخبر بعد تجربة مكتبين كبار في بانكوك وكان ردهم نفس الشي واحد قال : ممنوع استقبال العرب .. والمكتب الثاني قال : ممنوع سكن جنسيات الشرق الاوسط !
مع العلم اني اول شخص في هذا المنتدى ( ان لم اكن مخطئ ) سكنت فيه و نصحت به وكان ذلك منذ عام 2001 م ، وكان سعره انذاك ب 180 ريال قطري / سعودي لاغير !
والآن نفس الغرفه سعرها ب 320 ريال !!
وعلى فكرة اتصلت في مكتب سفريات هنا وذكر لي نفس الموضوع !
الموضوع بحاجه لوقفه وكتابة رسالة احتجاج لوزارة السياحه التايلانديه ونشر الموضوع في وسائل الاعلام ..
وانا ذكرت كثيراً ان توجه تايلاند نحو العرب و المسلمين فيه من الكره و الحقد و العنصريه الشئ الكثير ..
وما لنا الا ماليزيا هالصيف .
وسلامتكم .

انا بالنسبه لي المكتب فالرياض راسلهم وطنشونا
وغيرت على الماريوت
منة الله ولا منة خلقه

كلامك صحيح اخي تاتو
الفندق بحاجه لرسالة احتجاج وتنبيه لوزارة السياحه التايلانديه لهذه المهزلة العنصريه .
والله عشنا وشفنا وتايلاند صار لها ( راس ) تتكبر فيه على عباد الله .

ههه
دوحا لاند
المشكله انهم معتمدين على السياحه فالدرجه الاولى وهذا تعاملهم
غريبه من جد

أخبركم في شركات عندنا قامت تحجز على هالفندق خلاص... بس في شركة من الشركات قالولي إن إدارة الفندق مانعين الحجز عن طريق المكاتب السياحية في الدول العربية... يعني الحجز يكون فقط عن طريق الانترنت أو عن طريق الفندق مباشرة....ومثل ما قلتلكم في شركة أعرفها في الامارات قالولي عادي بنحجزلج على فندق باتوموان... بس أنا غيرت بحجز في لاندمارك أو في أماري بوليفارد...