ســKSAــعودي
08-03-2022 - 06:27 pm
اكيد تبون تعرفون الموضوع
الموضوع كبير وخطير
الى الشباب المسافرين لسوريا بسياراتهم الخاصه :
انتبهو
انتبهو
انتبهو
صار مع صديقي قبل ااسبوعين..
بعد الخروج من منفذ الحديثه ودخول لمنفذ العمري الاردني
جاء اثنين من الجمارك الاردنيه ونزلوا الشباب من السياره يقولون بنفتش
( شي طبيعي من حقهم طبعا )
نزلو الشباب وبعدو عن السياره بنتظار نهايه التفتيش على شان يمشون
شوي ويناديهم واحد من الجمارك الي يفتشون قال لقينا هذي في سيارتكم
وفي يده ثلاث حبات كبتاجون الممنوعه.. طبعا الشباب انصدموا
وكل واحد يطالع في الثاني ويحلفون با الله العظيم ماهي تبعهم ولا يدرون عنها
قال الموظف هذي فيها سجن لا يقل عن ست شهور في الاردن ويمكن اكثر
بس بساعدكم..
قالوا الشباب: ما ندري عنها لا تتهمنا في شي..
قال الموظف :زميلي معي وشاهد على كل شي ..
قال اقدر اساعدكم بشي واحد بس...
وهو انكم تدفعون 5000 ريال سعودي وستر عليكم
ما كان من الشباب الى ان دفعو 4000 ريال بعد المكاسره على شان يخلصون انفسهم من التهمه..
نصيحه للشباب المسافرين الخليجيين وقف على راسه وهو يفتش وحسسه انك عارف لعبتهم زين
اتمنى التوفيق والسلامه للمسافرين
تحياتي