رح جيلونق واجلسوا عند البحيرة ، درومانا ، كوين سفر ، قريت اوشن رود ، فيليب ايلاند هذي كلها في ولاية فكتوريا تقدر تروح هناك سواء تجلس نهار كامل او تقدر تستاجر فلة انت واخوياك وتحصلها في stayz ..
تقدر تروح تزمانيا بالباخرة الرحلة تاخذ ابو عشر ساعات في البحر
نيوزيلند تذكرتها 300 دولار
رح الصخرة العظيمة اللي في نص استراليا ،، انا سجلت مع قروب استرالي بنروح لها الاسبوع الجاي التكلفة 200 دولار شامل المواصلات في باص وإيجار خيمة بلاستك ووجبة في اليوم
رح رحلة جبل الثلج واسكن في الجبل يومين
إذا رحت هذي كلها أو ماتبي تروح لها انصحك تروح قولد كوست بالطيارة وتقدر تاخذها لاست منت سواء من المطار او عن طريق موقع خطوط تايقر أو جت ستار تطلع لك تقريبا ابو 190 دولار ون وي

خاص777
تسلم اخوي على الجدول بخصوص ولاية فكتوريا اكيد هي قريبه منا بس بهالوقت مو مناسب للبحر اعتقد برد فكرت الجبل الثلجي إن شاء الله طالعين بكره والخحز تقريبا مثل ما قلت حول هالسعر بس ممكن اعرف كم كليو لو رحنا بالسيارة الى سدني ومنه الى جولد كوست ومشكور

المسافة ما بين مالبورن وسيدني حوالي 880 كم وتقطع بالسيارة في 9:45 ساعة وتكون الرحلة داخلية بين المدن والحقول
اما سيدني وجولدكوست فالمسافة بينهم حوالي 850 كم والمسافة تقطع في حوالي 11 ساعة وتكون على الساحل
اما المسافة مابين جولدكوست ومالبورن فهي 1714 كم وتقطع في حوالي 20:30 ساعة
مع تحياتي

hml
هلا اخوي والله خذنا الطريق وطولنا يمكن 11 ساعه من ملبورن الى سدني صراحه تعب والخوف من نظام استراليا بالسرعه يخليك ما تفكر تسرع ابدا وبخصوص المقارنة اعتقد الجولد كوست السياحه فيه افضل من سدني لان ما للاحظنا الفرق القوي اللي بين سدني وملبورن انصح الجميع الجولد كوست مع اني ما زرته للحين بس إن شاء الله خلال الشهر القادم

حمد الله عل السلامة
طولتوا وهذا افضل لكم من السرعة وكذلك الابتعاد عن المسائلة لان النظام الاسترالي صارم في السياقة والسرعة 110 كم على الهاي وي
نعم جولدكوست بها اكثر اماكن الترفية ... لكن سيدني ايضا جميلة وبها اماكن ترفيه حلوة
بالتوفيق لك
ومع تحياتي