كـوفي لاتيـه
05-11-2022 - 05:23 am
السلام عليكم ورحمه الله وبركاته ..
كيف آلحال يا أخواني ان شاء الله تمام التمام
حبيت استفسار إن شاء الله ناوي اسافر استراليا يعني ناوي .. الله لايعوق بشر
طبعا انا يوميا أدخل هالمنتدى وقريت اغلب تقاير الاعضاء وحمسوني اني اسافر بعد
ماكنت مكنسل طاري السفر لهالسنه لان المدام حامل وبتربي إن شاء الله ع اخر شهر 6
عالعموم .. انا واحد ماحب حد يرتب لي امور السفر يعني ماتعامل مع مكاتب ..
وأنا أدري انتو خبره ماشاء الله ومش مقصرين مع حد
ناوي أحجز ع الامارات أو الاتحاد بس الاولويه للامارات طبعا
والسفر كل ابوه 14 ساعه .. طبعا بيكون هلاك 14 ساعه في الطياره
بيضربني تصلب في الشرايين .. والبتكون معايه بعد البنوته فتعب عليها وع المدام
اللي مجرب ترانزيت الامارات انا اللي اعرفه يكون ترانزيت في (بانكوك , هونغ كونغ , كوالامبور , سنغافوره , ملبورن)
تنصحوني وين يكون الترانزيت ؟ وكم ساعه يكون هل في مجال يكون يوم كامل ؟ ولالا
وبخصوص السكن انا محتار في 3 اماكن .. واحد من الشباب قالي خلك ع الشقق الفندقيه احسن من الفنادق ..
وبعد ماتصفحت احترت في
1- Q1
2- سريكال .. اعتقد جيه اسمه هالشقق اليديده ..
3- شيفرون
حبيت اعرف شو الاحسن والافضل من ناحيه الاسعار والنظافه ؟
وهل يوجد في غرف كل من هالشقق نت ولا بس في اللوبي ؟
وهل تنصحوني بالسواقه هناك ؟ بدال التكاسي والقطارات والحوسه كلها ؟
في الترانزيت عموما تستطيع الانتظار لمدة يوم اذا كان هناك رحلة في اليوم التالي و لكن يكون السكن من حسابك الخاص الا اذا كان هناك عرض خاص.
يفضل اختيار منطقة بمنتصف المسافة بين الامارات و أستراليا مثل تايلند أو سنغافورة أو ماليزيا و يفضل تايلند لأنها الأرخص أو سنغافورة لأنها الاصغر و تستطيع التجول فيها بهذا اليوم لأن سنغافورة أصغر مساحة من البحرين.
في جولد كوست يفضل اختيار السيركل لأنه يجمع الموقع و الفخامة و الحداثة
أما عن السعر فشقق شيفرون هي الأرخص و هي على درجة كبيرة من النظافة و مصنفة 4 نجوم و نصف من قبل Aaa.
و جميع الفنادق التي ذكرتها يتوفر فيها الانترنت بالغرف مقابل أجر يدفع عند تفعيل الخدمة.
بامكانك القيادة في الشوارع الاسترالية و خصوصا في جولد كوست لانها ممتعة بشكل كبير و لكن تذكر بأن تكلفة ايجار السيارة مرتفع و اذا كانت مشاويرك اليومية قليلة فيمكنك ايجار السيارة وقت الحاجة فقط.
تقبل تحياتي