ساهر ياساهر
الفلاش الي شفته بسويسرا خلال رحلاتي لسويسرا
فلاش ابيض بس ذوق مو مثل فلاشنا الي يعمي ويسبب حوادث
انتبه من الانفاق بكل سويسرا لان ساهر داخلها بكثرة
في الطرقات السريعه قليل ماتكون الكاميرات موجودة
وكل ماشفت السرعه تقل عن 80 ابدا بالتركيز ولاتسرع

الركاده زينه انت طالع تتمشى
تسرع و تجلس على اعصابك تخاف تسوي حادث او كاميرا و لا توقفك دوريه وش حادك
سافرت اربع مرات و لا مره فكرت في كاميرات عندهم او لا؟
بالتوفيق

هو الأساس أنك تلتزم بالسرعة المحددة والاهم تعرف حدود السرعة في الاماكن اللي مافيها لوحات سرعة
سويسرا لها منظومة محددة واقل ب10% من سرعة الدول المجاورة
الخط السريع 120 كم- س
الخط السريع القريب من المدن الرئيسية والانفاق من 80 الى 100 كم
الزراعي داخل المدن 30 الى 50
الزراعي بدون مدن 80

مع هذا كله كثير منا واللي معاه سيارة بيكون معاه جهاز ملاحة
وكثير منا ينسى نفسه للحظات بسيطة هي كافية لاحتمال اخذه لمخالفة لا سمح الله
خاصة ان كاميرات السرعة تجدها بكثافة على الخط السريع A1 اللي بين جنيف ولوزان
وكثير منها داخل جنيف حيث السرعة محدد ب50 كم-س
لذا وجب الحرص والانتباه
ممكن كإجراء اضافي واحترازي ونظرا لان رادار كشف كاميرات السرعة ممنوع بسويسرا
فممكن اضافة احداثيات كل اشارات المرور وكاميرات السرعة على جهاز الملاحة عن طريق
تحميلها بواسطة برنامج البي او اي لودير POI وهذي الاحداثيات تباع في مواقع عديدة في النت
وضعت احد روابطها على موقعي
ومايمكن تعرف بوجود مخالفة عليك الا اذا رجعت لبلدك وقتها بتجيك على بريدك مباشرة او عن طريق شركة ايجار السيارات وعدم دفعها راح يعرضك لمشاكل كثيرة منها رفضهم لمنح الشنقن مثل ماحصل لبعض الاعضاء
وربي يحفظ الجميع

التقيد بالنظام مبدأ وهو متعة لكل انسان متعلم . تمتع بالحرية والنظام وخل ساهر لأهله

نوبة سياحية
فعلا كلام صحيح صحيح صحيح..
والادهى والأمر الناس اللي ينبسطو وبعد مايرجعوو مايبون يسددون ....!!!!!!

اوف والله يا بعض الشباب الله يجزاهم بالخير داخلين متحمسين
انا حبيت اسأل عن الكاميرات هل ضروري فيها فلاش ولا ممكن تكون بدونه؟ وكيف اعرف اذا كان فيه علي مخالفه ولا لا من باب الاحتياط؟
والحمدلله الشباب ما قصروا ووضحوا الاجابه مشكورين
الحمدلله انا متقيد بالسرعه وماخذ حذري ولكن ( جل من لا يسهو)
عشان كذا انا سألت مو عشان ابي اسرع واخذ مخالفات (الواحد المتعلم يبي يتونس مو يبي يتعب حاله)
تحياتي للجميع

العذر والسموحة منك يالغالي وماقصدنا انتقاصك يعلم الله . بس نسافر ونشوف مظاهر سيئة من بعض اللي ينشره عليهم من الخليجيين مش أكثر . يلله عاد خلك كول

الكوول
يا اخ الكول يعلم الله ماكنت اقصدك بردي ابداا ...والله العظيم.
بس فيه فئه معينه بعد مايرجعوا لبلادهم يكتشفوو انو عليهم مخالفات ويجو مثلا يقولو احنا تجاوزنا السرعه المحدده بشي بسيط نسدد ولا لا..؟؟ واعذاار كثيره.
واللي هنا من الاعضاء والمشرفين ينبهوعلى هالشغله مو عشانهم ابدا علشان احنا سفراء لديننا اولا و بلادنا ..
تحياتي , ،,. ,

*غداً اجمل*
موضوع اللي يسرعوا ويسألوا عجيبين هي عادة ومباديء تعود عليها هذا الانسان ومستحيل يتعدل لأن أساسه كان غير صحيح وأكيد صاحب الموضوع ما كان قصده الا كل خير كان يسال عن المخالفات مو اكثر ومداخلاتكم كالعادة اكثر من رائعة