مبروك ياعريس ورحلة موفقة
والله ماعندي معلومات عن صلالة
والربع ماراح يقصرون وخاصة النشط الشهم سالم بن سيف
.. بس تهيضت يوم قريت الحفر غير..
ذكرتني بربيع الحفر وصمانه
وزهوره .. وسهوله .. وفياضه.. وكرم اهله
الله على الحفر وربيعه ..
لك مني ولأهل الحفر الف تحية .. ويارب يرزقكم المطر وتزين اراضيكم
حتى نعاود ذيك الطلعات والوناسة ...
الله يبارك لكم .. ويرزقكم الذرية الصالحة

السلام عليكم
أخي إذا انت معرس جديد فنصيحة مني امن السكن من الان شوف الفنادق الموجودة في صلالة الفنادق الاربع والخمس نجوم ... وتحتاج بصلالة سيارة دفع رباعي .... إذا كان سفرك من خلال الطيران .. فكلم الفندق من البداية يحجزولك سيارة حسب رغبتك ... السيارة العادية ممكن تروح كثير مناطق بس مو كل الاماكن ... السكن بالفنادق غالية نوعا ما بس ما تقارن باروبا وشرق اسياء ... الاجواء رائعة ومميزة ... بس اول ما توصل حذلك نرهم خاص عن البعوض ... لان البعوض مشكلة موجودة بصلالة صحيح ليست بشكل كبير ولكن الاحتياط واجب ... باقي مصاريف الحياة طبيعية كباقي دول الخليج ... موفق اخي وفي الخدمة ان احتجت اي استفسار

مفرق الوادي
الله يبارك فيك ولاهنت
الله يحيك واهل الحفر تحييك
والله سمع منك وتمطر ربوع الحفر

quicktime
لاهنت يالغالي
انا كلمت برج السلام للشق المفروشه كونه عوائل وشقق وارخص
بس سؤال وش رايكم فيه .. برج السلام..
واجار السيارت على كم ومتى احجز

الحفر غير
أخي الكريم
برج السلام من المباني الجيده وهناك ما هو أفضل منه بكثير ومستواه لا بأس به وأسعاره بعد معقوله نسبياً .
أسعار السيارات حالياً 10 ريال عماني لليةم للسياره الصالون ومن 25 ريال عماني وطالع للسيارات ذات الدفع الرباعي .
تحياتي

السلام عليكم ورحمة الله وبركاته
ما عندي خلفية عن برج السلام حقيقة، وهو ليس برج وإنما اسم لأنه لا يسمح ببناء الأبراج بناء على القانون العماني.
عموما بخصوص إيجارات السيارات احتمال كبير إنها تقفز قفزة ضخمة بتاريخ 15-7 بالنسبة للفورويل، بس للصالون راح تتراوح مابين 12-20 ريال عماني لليوم، و الفورويل حسب النوع مابين 30-50 ريال بهذك التاريخ، هذا والله أعلم، ومبروك عليك يا عريس ولكن أبلغك إن الاخضرار شبه معدوم حاليا، بس إن شاء الله لو تجلس لمدى أطول راح تواكب الاخضرار، تحياتي لك، والسلام عليكم ورحمة الله وبركاته.
أخوكم في الإسلام