انا رايحه اسبانيا ع الاسبوع الجاي باذن الله
حبيت اسالكم اللي سبق لهم الزياره !! كييف لبس العباايه هناك !! يعني يستغربوون ولا عاادي جدن
وبعد الغطا كيف يعني النقاب ماودي اشيل النقاب ؟؟ والله شوفي يا اختي مافي احد يستغرب ولا شي بس اللي يستغربونه اللون الأسود فا اذا قدرتي تغيرين لون العبايه افضل بحيث انها ماتلفت النظر واذا ماتبغين عادي
والشي الثااني بنتي صغييره وباخذها معي عمرها سنتيين الى الان محتاره اخذها ولالا الحجز وكل شي بس يمكن اكنسلها اخاف تعبني وماودي اخليهاا وش رايكم ؟؟
لا تعليق على السؤال الثاني

السلام عليكم ورحمة الله وبركاته
اولا بالنسبه للبس العبايه ... معليش اللي يقول مااحد يستغرب الا يستغربون ومااحد بيحس فيها الا اللي بتلبس عبايه بتحس كل الناس قاعدين يناظرونها وخصوصا اذا كانت لابسه نقاب
وياليت تسألين اللي لبسوا عبابات بنقاب واذا لابد من العبايه سوي مثل ماقال اخوي delete البسي اي لون غير الاسود
وبالنسبه لبنتك انا عن نفسي افضل لو فيه احد تجلس عنده افضل اول شي بيكون الجو برد وثاني شي بتاخذين راحتك في الطلعه والدخله وفي الروحه وفي الجيه وبيقل معاك العفش وانتي اتوقع ماراح تطولين في السفره يعني بتروح الايام بسرعه
هذا رأيي الشخصي وارجوا التقبل

الحجاب عادي طبيعي ...... النقاب ملفت للنظر ولا يصل لدرجة المنع أختي انتي رايحه لدوله من الدول المتطوره وانا أشوفه في أسبانيا كلاً حاله حال نفسه ولا أحد يناظر فيك سواءً لبستي حجاب او نقاب. انا من المسافرين اللذين أقاموا في مدريد وغيرها من المدن الأسبانيه وزوجتي متحجبه حجاب كامل ولا يظهر منها شي . ولم أواجهه اي مشكله من الأسبان بالعكس يرحبون بي أفضل ترحيب. ويأسفني ان أقول لم أرئ الأستهتار والتشمت والنظرات الي تطلع الأنسان من طوره . والأسلوب الأستفزازي الأ من بعض أخواتي السعوديات في مدريد وليس الكل في الحقيقه لم أعلم أنهم سعوديات الأعند طلوعهم معي في الطائره وحتى وصولنا في مطار جده.
بالنسبة لبنتك انا أفضل تتركينها عند أحد اقاربك لانها راح تتعبكم . واهي صغيره في السن راعي الظروف الصحية ممكن تتأثر من أختلاف الجو أو عدوى لا سمح الله الكبير في السن ممكن يتحمل اما اهي صغيره.