ههه الله يسعدك يا شيخ ..وليش تروح لمكان ثاني..
ما دام عزمت على سويسرا ..توكل على الله ولا يردك شي.
اللغات الرسمية في سويسرا ..الالمانية في الشمال والشرق + الفرنسية في الغرب + الايطالية في الجنوب.
والانجليزية هي المتداولة بكثرة في المناطق السياحية .
واذا انت تفك الخط في الانجليزي شوي ..تمشي امورك .
على كذا ما شفت اليابانيين هنا ؟؟؟ لغة الاشارة هي الوحيدة ..وماشية امورهم.
تكون مثلا مجهز امورك من هنا للاماكن والمدن والقرى المراد زيارتها بالاسماء والاحداثيات بعد.
والفنادق تكون البروشورات حقتها معاك .
وبالتوفيق أخوي.

مشكور عزيزي على كلامك الحلو وتوجيهك المميز
فليبدا التخطيط بإذن الله

يارجال الامور سهالات ترى اوروبا كثير منها اما تتحدث الماني او فرنسي او ايطالي
كثير من الي سبقوك ولغتهم ضعيفة
بس اهم شي جهز كل حجوزاتك بحيث ماتحتاج احد هناك الا في حدود ضيقة

العفو أخوي..والله يسهلها لكم..
الان تبدأ بتحديد عدد الايام والدول او المدن المراد زيارتها + موعد السفر (في اي شهر يعني ..ويفضل من شهر مايو الى اكتوبر ) + محطة الوصول والمغادرة
مبدئيا ..ارجو الاطلاع على :
https://artravelers.com/p/re/51030
وزيارة التقارير الجميلة الموجودة في البوابة لأخذ فكرة عامة عن التخطيط والمدن وكيفية الترتيبات
صحيح راح ياخذ منك وقت ..لكن كل ما تقرأ ..كل كانت الامور متيسرة معاك .
وبالتوفيق

https://artravelers.comالله يجزاكم خير وان شاء الله راح اطلع على اكبر قدر ممكن من تقارير البوابه بس الاكيد ماراح استغني عن مساعداتكم وارشاداتكم لي
بس عند استفسار
انا شخص ملتحي ولله الحمد فبغيت اعرف الوضع حيكون عادي ولا .....
الشي الثني بغيت اعرف شروط استخراج الفيزا وكم يبيلها وقت ومن وين استخرجها
وهل من شروط استخراج الفيزا الوثيقة مع العلم اني ما اخذ وثيقة السفر من عملي الا اليوم الي يكون قبل الاجازه
الشي الثالث اشوف الاخوان يتنقلون في سفرتهم بين كذا دوله اوربيه هل هذا يعني ان سويسرا لاتكفي وما فيها مدن ونشاطات تغني عن باقي الدول
واذا كانت ما تغني وش افضل دوله ممكن ازوها مع سويسرا
وجزاكم الله خير

الله يجزاك بالجنة أخوي..
في سويسرا ..بالنسبة للامور الشخصية ..ابدا لا تشيل هم شي ..توكل على الله ..والله يثبتك.
========
نجي للفيزا...عشان اكون صريح معاك ..انا ما فهمت سالفة الوثيقة ..لأني اول مرة اسمعها ..ممكن لو طلبو منك انك تجيب خطاب تعريف بالراتب ..فقط بما يخص العمل .
وبالنسبة لشروط وطلبات الفيزا ...ام ..امس كنت جالس مع اصدقائي (وفي رواية ..البشكة )
وكنا نتناقش عن هذا الموضوع ..وان الطلبات تغيرت من بعد اضافة شرط الحضور الى السفارة وعمل البصمات .
لكن ..الافضل ..من وجهة نظري ..الاتصال على السفارة في الرياض او القنصلية بجدة ..او مراسلتهم بالايميل ومعرفة الشروط 100 %.
والا كنت بقول لك هذا الموضوع يغنيك:
https://artravelers.com/p/re/708679
واذا استجد شي جديد عندي ..راح اخبرك ان شاء الله .
===========
بالنسبة لسويسرا والدول المجاورة .
يا طويل العمر والسلامة ..ما دام وصلت للمنطقة هناك ..ألمانيا وفرنسا وايطاليا جدا قريبة منها .
ومساحة سويسرا 41 الف كم مربع .
فانت تتحمس وودك تزور المناطق والدول المحيطة فيها .
مثلا : مدينة الالعاب اليوروب بارك (بمثابة ديزني لاند)
مدينة بادن بادن والحمامات والمياه الساخنة
ميلان ..وزيارة الشمال الايطالي.
باريس (ممكن بعيدة شوي لكن تروح لها بالقطار)
الريف الفرنسي ..أنسي وشامونيه وميجيف وايفيان ..وكلها قريبة جدا من جنيف
وغيرها.
ومن باب التنويع ومشاهدة حضارة وثقافة هذه الشعوب .
انا انصحك بالقراءة ثم القراءة ..وكل ما تزودت بالمعلومات راح تكون عندك صورة واضحة ..وتطلع بترتيب مثالي للرحلة .
travel.maktoob.com/vb/travel51030
وبالتوفيق

مشكور أخوي وماقصرت وبيض الله وجهك يالغالي
وأسف على التأخير