السلام عليكم ... مساء الخير جميعا .. يالغالين ابي مساعدتكم لقضاء شهر عسل رائع باذن الله واوعدكم لارجعت باذن الله انزل تقرير مرتب ع هالشي لاني متحمس حيل ...
يالغالين انا خلصت حجوزات تذاكر واستاجرت سياره واشتريت قارمن وعرفت وش المستلزمات اللي اخذها معي .. وحجزت فنادق من فتره بجنيف وانترلاكن وزيورخ وروست ..
وكنت معتمد ع خويي ع اساس انه يضبطلي خط السير وجدول الرحله ووين الاماكن اللي بروح لها كل يوم ... بس للاسف خويي صارتله ظروف وتعب شوي وادعوله بالشفا .. الله يشفيه ان شاء الله .. واللحين مالي الا الله ثم انتو يالغالين ..
ولي كم يوم اقرى ببعض التقارير وقلت بسوي جدول الرحله هذا وش رايكم فيه وبكتب المدن المدن للي بروحلها واي شي تلاحظونه لاتبخلون علي لاني اجهل الكثير والكثير ..
4 ايام جنيف : ------> ابي اروح آنسي وشامونيه ومجيف وافيان بفرنسا ... ومونترو ولوزان بسويسرا
اذا تشوفون 3 أيام كافيه لجنيف ماعندي مانع ونزود اليوم للمدينه اللي تبون ع ذوقكم ..
5 ايام انترلاكن ------>( مدري وين اروح علموني وين اروح بكل يوم ابي اماكن حلوه مثلكم )
2 يوم لوقانو ------> ( زيارة بحيرة كومو الايطاليه وألأوت لت فكس تاون وزيارة ميلان واذا فيه شي حلو علموني )
3 ايام زيورخ ------>( ابي اروح شلالات الراين ولوزيرن وهايدي لاند واماكن حلوه ع ذوقكم واذا تبون تكنسلون بيت هايدي عادي)
3 ايام روست ------>( مدري وين اروح اعرف الالعاب بس فيه شي غيرها )
1 يوم ديفون ------> ( مدري وين اروح بس لاتنسون انه اخر يوم بعده العوده الى ارض الوطن)
اذا بتعدلون ماعندي مانع
طبعا مدة الرحله 18 يوم
الاقلاع باذن الله في 3 -7-2011 الرياض ------>جنيف ،،،،، يكون الوصول باذن الله الى جنيف الساعه 6 مساءً
والعوده باذن الله في 21-7-2011 جنيف ------> الرياض ،،،،، بيكون الاقلاع باذن الله من جنيف الساعه 8 مساءً