قبل الرحله حاولي تكوني اليوم الي قبله مسهرتهم ولا ينامون الا في الطياره بيتعبونك بس اذا ركبتي بترتاحين وعلشات يدوخون اكثر قبل ما تروحون للمطار روشيهم وعطيهم تينانول او تيمبرا مايضر ان شاء الله وبيدوخون عليكم بس في الانتظار في دبي بيكونون صحصحو فا خلي معك لعبه جديده للولد علشان يلهى فيها والله يعينك المفروض تنامون ليله في الامارت لان احنا الكبار نتعب وشلون الصغار والافضل من الحين اتعودينهم على النوم بدري وقبل الرحله بيومين جوعيهم نوم

هلا فيك أختي
الله يعينك ويسهل رحلتكم والترانزيت متعب
أختي الطفل ذكي من واقع تجربه
إذا شافك متوترة وقلقة يزيد مشاغبه حتى يلفت انتباهك
أنت أهم شي خليك مروقه معهم ولا تتنرفزين من حركاتهم اطفال وكل الاطفال مثلهم
مشكلتنا حاطين عيالنا تحت المجهر لا تسوي لا تقول طول الوقت
ولدك الكبير محتاج يتكلم خليه عادي اهم شي يطلع اللي بقلبه صدقيني مع الوقت يخف ويصير عادي
الصغيرة ما عودتيها على المصاصة مرة مريحة وتونس الطفل لما ما يكون جوعان
أهم شي قبلها بيومين خليهم ما ينامون كثير
وقبل السفرة اشتري له قصص او دفاتر تلوين او لعبه بس لا تطلعينها له الا في الوقت الصعب يعني لا يشوفها قبل السفرة
واستشيري الطبيب كثير يعطون اولادهم دواء كحة قبل السفر ينعسهم وينامون اهم شي استشيري بنتك صغيره
اسفه كثرت حكي بس حسيت فيك الله يعينك
رحلة موفقه إن شاء الله ..

حبيبتي كسرتي خاطري .........انت مع عيالك .........شوفي الصفيرة مسكينة تبكي لان الضغط الجوي راح يؤثر فيها بالطيارة يعني لازم تعطينها مصاصة ((لهاية)) تخفف عنها الضغط واذا ما تاخذ مصاصة عملي لها حليب وخليه تشرب ......وغير الطرق اللي بردود الاعضاء كلها تنفع مع الصغيرة ................والولد الله يحفظه لك سولفي معاه اذا بدا يتكلم وبعد تكلمي معاه قبل السفرة قولي له ابيك تساعدتي علشان اختك تنام بالطيارة لازم ما نتكلم كثير بعدين تنزعج وتبكي والناس اللي بالطيارة ينزعجون ويزعلون من عندنا .......يعني عطيه بعض المسؤلية حتى لو صغير عادي يفهم ولازم يكون بطريقة تتواصلين معاه باسلوبه مو بالعصبية لا ودايما خليك لما تكلمينه بمستوى فهمه لان العصبية تولد الانفجار وعدم المبالاة .....اختك الكبيرة فابيولاس

1. لان العصبيه وطريقة امي وامج ماراح تنفع

بنسبة لسؤال الطيران انا رديت عليه بلموضوع الثاني
وبنسبة للعيال انا اقول اختي هدي بالج اشوي وهونيها واتهون
وانا ردي تقريبا مثل رد اختي هدوء لاتنسين توهم الصغار المسكينة ام 5 شهور اشذنبها والله ماتدري شسالفه واكيد لازم تبكي بس انتي حاولي اتهدينها واتنومينها اشوي اشوي لان الطفل ماراح يبكي بدون سبب
وبنسبة لثاني فحرام توه ابو سنتين يعني بعد لحين مايفهم والله على كلامج حسيت عمره 5 سنين مو سنتين
حاولي انتي اتشغلين له فلم او اي لعبه بطياره شغليها له وان شاءالله راح يلها فيها وممكن تستشيرين طبيب لو في دوا ينومهم طبعا انا مانصح في بس اسالي ماتردين
وانا بسالك يا اختي انتي في كندا وفي مراكز وايد يعالجون هذي الحالات حاولي لو عندج وقت بعدين انج تشتركين بهلمراكز الي يعلمونج طريقة التعامل معا الصغار وطريقة ظبط النفس من العصبيه والله راح تستفيدي وترتاحي

لان العصبيه وطريقة امي وامج ماراح تنفع

والامام علي كرم الله وجهه يقول ((ربو أولادكم على غير تربيتكم فهم خلقو لزمان غير زمانكم http://www.shattalarab.com/vb/showthread.php?t=294507))
يعني الطرق التقليديه ماتنفع ولاتنسين انتي في غربه وماعندج الا هم ليش ماتقربتي لهم وخاصه الولد تقربي منه وخليه يسمع الكلام وعطيه الثقة بنفسه واستشيري وحببيه فيج لا اتخلين علاقتج وياه علاقة خوف ورهبه وبس لان عقله الصغير ماراح يتحمل وبتكون ردة الفعل عكسية
انا اشكثر اشوف اجانب واشوف تعاملهم مع اعيالهم يحترمونهم ويقدرونهم لان الاساس هي السنوات السبع الاولى هي اهم شي اذا ربيتيهم عدل فيها راح يطلعون من اخير الناس وانتي قلتي كلمه الي هي الولد السانه طويل اسمحيلي للكلمة ولاكن ماراح يجيب من حد غريب راح يجيب هشي من المحيط الي هو عايش فيه
وانا مثلج عايش بغربه وسفراتي وايد وياما اشوف اطفال وياي بسفره ويكونون هادين لان اهلهم متعاملين معاهم بهدو
وبقولج موقف مره كنت راجع من لندن عن طريق طيران الاتحاد وكانو جدامي مراة اجنبية واعيالها اثنين بنت وولد البنت اشوي كبيره بس الولد يمكن بعمر ولدج وكانو يشاغبون اشوي والام كلمتهم بهدو وقالت لهم خلقم عاقلين علشان الناس الي حوالينا وعطتهم دفتر التلوين المهم انا كان معاي دبدوب شاريه من المطار للصغار لمى ارجع المهم لمى شفتهم بطياره عطيتهم الدبدوب الامرة مارضت بس الولد استانس عليه وبعد ساعه انا غيرت مكاني ورحت ورا اخر شي لان الطيارة مو مليانه والمهم تغطيت ونمت توقعي اول ماقعدت اشحصلت حصلت الدبدوب مالي ومعاه رسمه من الولد ويتشكرني فيها ويقول انه مايقدر ياخذه بس شوفي الولد رسملي وتشكرني واول ماقعدت ورجعت لكرسي الاصلي قبل الهبوط شكرتهم وحاولت اعطيهم الدبدوب ثاني مره بس مارضى وكان يكلمني بهدو وبلطف
انا بسالج سؤال لو هلموقف صار مع عايله عربية او خليجيه اتوقعين الولد برجع الدبدوب او اقل شي هل بقول شكرا الجواب لا لان احنا ماعودناهم على هشي وبسنهم هشي يرجع على تربيتنا احنا مومنهم لانهم صغار ومايعرفون الصح من الغلط
انا حبيت اذكر هلموقف لان احنا مو اقل من غيرنا ونقدر انعلم اعيالنا وانربيهم احسن تربيه بس لازم انربيهم بحب انربيهم بعطف وبحنان مو بقسوا لان القسوا اتولد القسوا ولا تنسين ان التربيه تعامل مو اوامر
اانا هذي نصيحه عامه لكل ام واب لان حتى الاب لازم يشارك بتربيه مب مايشوفهم الا ساعه بنهارو هساعه اتكون هي ساعت الجحيم بنسبة للعيال لان ماعنده الا الهواش والعصبيه
صدقيني يا اختي حبو اعيالكم وهم بحبونكم
انا هذي نصيحتي واتمنى اتقبليناها بصدر رحب واسف لو تدخلت او تماديت
واتمنالكم سفره سعيده
واي استفسار احنا بلخدمة

بالنسبة لابنك اختي الكريمة فهذه طبيعة الاطفال (او غالبيتهم ان لم يكونوا كلهم)يحبون يسالفون واجد و يبغون يعرفون كل شيئ و بالعكس اختي الكريمة يصير الطفل يتكلم واجد احسن من يصير معقد و لا يتكلهم و لا يسالف او مايداني احد يتكلم و انصحج اختي الكريمة انج تكونين صديقته مو بس امه يعني حاولي تتجاوبين معاه بشكل كبير حيث ان فعلتي ذلك ترتاح نفسيته و ينمو عقله يقول الامام علي عليه السلام(لا عب ابن سبعا و ادبه سبعا و رافقه سبعا) و نقطه مهمة كما مشار في الحديث الشريف هو ملاعبته مو لا زم بالافعال ايضا بالكلام و وسعي صدرج و ياه و ايضا اذا ضحك ضحكي وياه لانه هذا هو عامله الخاص و على الاب و الام لازم يشاركون عالم اطفالهم البريئ و حاولي ما تنزعجين منه و واسيه في افكاره يقول النبي صلى الله عليه و اله (من اراد ان يرى كبده تمشي على الارض فلينظر الى ولده) يعني يا اختي الكريمة هذه نعمة عظيمة فشكري الله عليها و لا تتضايقي يقول الله عز و جل في كتابه الكريم(ولان شكرتم لازيدنكم)يعني هذه الاية شاملة سواء كان نعمة اكل او لبس و حتى ايضا الاطفال اتمنى لج اختي عودة طيبة و اسال الله لكي التوفيق

اختي الكريمة
جعل الله ابنائك من حفظ كتابه وسنة نبية وصحبة اجمعين
وجعلهم قرت عين والديهم اللهم امين
نصيحتي اختي المباركة موضوعك حساس جدا وانا احترم التخصص في هذي الاشياء
لان أمور الاطفال والتربية والسلوك لا يفتي فيها اي شخص
نصيحتي لك وعن تجربة اسألي اخصائية اجتماعية عندها خلفية كافية عن تربية الاطفال والسلوك
لان ممكن تاخذين بنصيحة شخص اساسا غير متزوج او ما عنده اطفال وهذي كارثة
لان امور التربية والاطفال تكون التجربة افضل من الاقتراحات والفرضيات
(( انا طفلتي كبر بنت الله يحفظهم جميعا ))
تبكي اذا اقلعت الطائرة وبعد مشورة طبيب اطفال
وصف لي قطرة توضع في انف الطفل قبل الاقلاع ب10 دقائق
والحمد لله انتهت مشكله الطفلة
بالنسبة لطفلك الثاني نصيحة اعرضي الموضوع على اخصائية اطفال
وهم الانسب لهذيه الامور
يا جعل والديك ولدينا في جنات النعيم

حاولو تهدون حيل الولد قبل السفر يعني يطلع طاقته كلها وماتخليه ينام كثير عشان ينام بالطياره ....
و اذا الولد يحب افلام معينه او انمي خذي له جهاز الديفيدي المحمول مع الشاشه واشتري سيديات من اللي يحبهم
عشان ينلهي ويقعد يشوفهم وبخصوص الصغيره هذا حال كل الاطفال ....

ماأزيد على كلام الأخوة والأخوات
بس الأولاد يبغون سعة بال
وأكيد مافيه ازعاج أو بكاء إلا يكون وراه سبب
شوفي آذان بنتك أو يمكن أسنانها بتطلع وكل هذي الأمور لها علاجات
الله يعينك يبغالك مجهود كبير لهم بهالسن
ويخليهم ربي لك ويكبرهم ويعقلهم

الولد اشتري له dvd وافلام جديده وشغلي له واحد ورا واحد
ودفاتر تلوين ورسم ولعبه كل شي جديد
الصغيره تبكي من ضغط الطياره
عرضيهم على طبيب اطفال اذا يكتب لهم دواء يدوخهم بدون ضرر