- السلام عليكم ورحمه الله ...
- https://artravelers.com
أقتراح اتمنى الجميع المشاركه ...
السلام عليكم ورحمه الله ...
من أخيكم المايسترو .. الى جميع اخوتي في منتدانا الغالي ... لدي اقتراح كنت اقلبه وادحرجه في مخي قبل فتره .. ولم اعزم على طرحه معكم الا بعد ما فاض الكيل .... (( حلوه فاض الكيل )) المهم
نحن نعلم ان كل سنه يقام مهرجان دبي للتسوق ... والكثير منا يحضره ... ولكن نجد الصعوبه كل عام في حجز الفنادق .. لأن الواحد ماراح يحجز قبل المهرجان بشهر بشهرين .. لأنه لم يقرر بعد هذا شي .. الشي الاخر اذا جا يحجز قبل سفره يلاقي كل الفنادق مليانه ... بالنسبه لنا كسعودين ... اكثر مكاتب السياحه لدينا لديها برنامج معين ... البرنامج هذا على الانترنت وهو معروف ويوجد عندهم كلهم .. ويوجد به أكثر فنادق دبي ... وليس كلها ...لذلك عندما تذهب للحجز لديه يقول اصبر خلني اطقطق هالكمبيوتر ... فلما يطقطقه يقول ما لقيت شي ... وهو اصلا داخل على الموقع اللي قلت لكم عليه ولا يحصل ... ولو تروح لمكتب ثاني .. يسوي نقسه ذكي ويقول اصبر خلني اشيك وهو اصلا يدخل على نفس الموقع ويشيك .. طبعا ما راح يحصل ... لذلك وش الحل يا اخوان ... وش السواه ... من هنا نبع اقتراحي (( حلوه نبع )) .. الاقتراح يكمن فيما يلي :
1- وضع لسته بباسماء الفنادق بدبي يكون على النحو التالي ... ( اسم الفندق - الدرجه - الموقع - صور منه - رقم الهاتف ((وهو المهم)) - الايميل - تجارب الاعضاء مع الفندق .
وكل ما يفتتح فندق او شقق جديده نضع اسمه هنا ... بتقولون ليش وشو له التعب هذا .. انا اقول لكم ليش ... لما نبي نروح دبي مره ثانيه ... يدخل العضو الكريم الى هذه اللسته ويختار الفندق اللي يبي ... ويكلمهم ... ويشوف فيه حجز والا لا .. بنفسه لا مكتب ولا يحزنون ... منها تبعد عن نصب المكاتب واسعارها ... ومنها انت تختار اللي تبي ولا تلزم على فندق معين وخير دليل شوفو مشاركت اخونا fff
https://artravelers.com
وايضا مشكلتي انا في حجز الفندق هالسنه ما حصلت الا عن طريق الماسنجر ...
طبعا البعض راح يستصعب الفكره .. لكن والله يا اخوان لو نحط يدينا ببعض .. بعون الله راح تنجح ... الكل جرب فنادق دبي .. يعطينا انطباعه عنها وواحد يصمم اللسته واللي في دبي يساعدوننا ... حاس انه بيكون مجهود روعه ... وهو على ما اعتقد الاول على المنتديات العربيه ...
وبالنسبه لي انا ... راح اقدم كل ما اقدر عليه وكل ما اقدر عليه وخاصه في مجال التصميم عشان عندي خبره فيه ... واخيرا
وش رايكم ؟؟؟
حياك الله أخوي المايسترو , وبالنسبة لفكرتك فإنه من المنطقي إن الفندق سيوفر لنفسه عدد محدد من الغرف للتعامل المباشر لكن بالتأكيد بسعر أعلى من المكاتب السياحية , ولكن من المستحسن أن تكون شركة السياحة متعاقدة إما مع الفندق أو من شركة سياحية من نفس دولة الفندق لتقديم أفضل الأسعار ولضمان خدمة أكبر عدد ممكن من العملاء , وبالتأكيد يتميز الحجز الإلكتروني لمكاتب السياحة بضمانه توفير التأكيد المباشر للحجز مما ساهم في زيادة استخدام هذه الطريقة وبالتالي صعوبة الحصول على غرف شاغرة خصوصا في المواسم السياحية .....
تحياتي