بنسبه الى الماكن السياحيه هاذي مجموعة تقارير عن الاماكن السياحيه و المطاعم
https://artravelers.com/p/re/283370
وبنسبه الي الفندق الاول وهو movenpick Tower & Suites Doha
https://artravelers.com/p/re/241179
انصحك فيه والفندق فخم واحس من الثاني موقعه في منطقة الابراج وقريب
من الستي سنتر ومنطقة الكورنيش ومقابل فندق الفورسيزونس
واي خدمه احنا في تحت امرك

حياج الله فالدوحه وان شاء الله تستانسون
وما شاء الله الاخ قطر 3333 جاوب على اسالتج
واي خدمه ثانيه حاضرين

شموع
السلام عليكم
بالنسبة لفندق موفنبيك تاورز الفندق راقي وموقعه رائع وقريب من كلشي
اما بخصوص فندق موفنبيك الدوحة الفندق اربع نجوم وبعيد اشوي من الستي سنتر
سفرة موفقة ان شاء الله
تحياتي

مرحبا
انا برضو ان شاء الله طالعة قطر على العيد
وهذي اول زيارة لي
ياريت ولله لو تفيدونا باماكن تستحق الزيارة وما تتفوت
لان احنا ان شاء الله بنجلس يومين نبي نزور احلى الاماكن
عشان نرجع لها مرارا وتكرارا
غير المجمعات لان هذي مفروغ منها
شي مثلا المتحف الاسلامي
او حديقة ترفيهية وملاهي
اكواريوم
مركز علمي
ياريت توضحون لنا عشان الكل يستفيد اللي ما عنده خبرة بدولة قطر
طبعا انا اكتب هالرد بعد ما قريت المواضيع المثبتة وبعض التقارير

السلام عليكم ورحمه الله وبركاته
حياكم الله في قطر بلادكم الثانيه
انصحكم بسوق واقف اول شيى لان فيه كل شيى
تسوق وترفيه وطعام واستمتاع وحاليا يعتبر عندنا معلم
المولات عندنا حياه بلازا وفيلاجيو في نفس المكان وبجانبهم سباير لا يفوتكم
والستي مقابل فندقكم
والمول بجانبه هايبر ماركت اللولو ومنطقه الاسواق في شارع حمد
وحياكم الله

ماشاء الله ماقصروا الاخوة والاخوات
بشروا عسى الامور ضبطت واي استفسار ابشروا به