1. لو سمحتوا ساعدوني


2. زوجي ما يبي يتنقل وايد ...ويقول خلنا نروح 3 مناطق..

السلام عليكم...

لو سمحتوا ساعدوني

زوجي ما يبي يتنقل وايد ...ويقول خلنا نروح 3 مناطق..

اولا: وهو يبي يروح المانيا ..وانا اخترت ميونخ في المانيا لانها قريبه على الحدود بين سويسرا والنمسا عشان بعدها اروح سويسرا؟؟ ولا شرايكم في منطقه احلى في المانيا؟؟؟(تقريبا ممكن تكون الاقامه في هالمنطقه 5 ليالي او اكثر) ..وانا قلت من ميونخ مثلا او اي منطقة اروحها في المانيا كل يوم اسوي لي برنامج واروح منطقه قريبه منها..
ثانيا: من اللي قريته في بوابة سويسرا حسيت ان انترلاكن وايد حلوه وتستحق الزياره اكثر من غيرها في سويسرا؟؟ ولا شرايكم يا خبراء؟؟(تقريبا الاقامه 5 ليالي).. وانا الصراحه كان خاطري ازور اكثر من منطقه في سويسرا بس اخاف انه يتضايق ويتعب من كثر التنقلات.. وانا كان خاطري ازور لوزيرن لان قريت انها تشبه سالزبورغ وانا وايد عجبتني .. عاد قلت اروح انترلاكن اذا موقعا في الوسط وكل يوم ازور منطقة وارجع...
ثالثا:انا خاطري امر باريس عشان اروح الاوت لت اللي قريب من ديزني لان قريت وسمعت عنه ان فيه اشيا حلوه..فأنا اقترح ان اخلي باريس اخر شي واقعد فيها ليلتين لا اكثر ومن تكون العوده للديار ؟؟؟ ولا شرايكم؟؟ وهل في منطقه وايد حلوه ازورها ترشحونها غير باريس او تكون مثلا قريبه منها وازور منها الاوت لت وارجع
لكن زوجي يقول يمكن يسوون لنا تعقيدات في مطار باريس ويغربلونا (هذي اول مره لنا نروح باريس و سويسرا).. مدري ممكن يصير هالاشيا؟
رابعا: انا عندي اقتراح اللي هو قبل باريس اروح منطقه واقعد فبها كم ليله تقريبا 4 ليالي (يعني يكون المجموع 4 مناطق مع باريس في حالة اذا زوجي وافق)واخلي باريس اخر شي حق يومين وانا راجعه الديره..؟؟؟
خامسا: شرايكم يكون الوصول الى ميونخ والرجوع من باريس او العكس؟؟ ساعدوني
مدة السفر تكون تقريبا اسبوعين او اكثر شويوالسفر راح اكون اول شهر 6..
ساعدوني والله احس افكاري متلخبطه وايد وزوجي معتمد علي في تخطيط الرحله والحجز والفنادق وكل شي واحنا اول مره نسافر مع بعض ومابي يتضايق من ترتيبي ابي اسوي تخطيط ممتاز وحلو ومريح في نفس الوقت
الله يجزاكم ان شاء الله الف خير وجعله في ميزان حسناتكم يارب