هلا فيك وحياك الله ...
اولا سوف اقسم الجواب على مرحلتين ...
المرحله الاولى ميونخ.... غارمش تستحق وبدون ادني شك .. وليس على طريق سالزبورخ ... لكن فترة جلوسك قليله جدا بميونخ لهذا ما ار شح لك تذهب الى غارمش وخصوصا لو كانت بالرحله زيلامسي ...
ثانيا مجمع ريم اركادا ما تحتاج تذهب له ابدا .. هناك ما هو اجمل وافضل بميونخ ... وايضا لا تنسى سالزبورخ فهي مميزه جدا بالتسوق وهذا الشيئ يغفل عنه الكثير .. ففيها مجمع يورب بارك القريب من السنتر ... وايضا فيها احد اكبر وافخم اوت ليت بالمنطقه وهو بجانب المطار يعني كذالك قريب من سنتر سالزبورخ وبها شارع شهير جدا للماركات العالميه ...
ثالثا ؛ الذي تضيفه بميونخ واهم من الحديقه الانجليزيه هي الحديقه الاولمبيه ومجمعا اوالفعاليات التي بالمدينه مثل معرض بي ام دبليو وبعض الالعاب ...
سؤالي الان .. هل تستطيع تغير الفندق .؟؟؟ كم يوم الرحله ؟؟ وما هو المخطط بالكامل ؟؟ وعدد الاشخاص ؟؟ وباقي السكن هل حجزته وله لا
نبذه عن فندقك
Hotel Europa
مستواها مقبول فقط .. في ترام قريب منه يوديك للسنتر بحدود 5 دقائق او ...
المارينا كيلوين وشارع كارلز بلاتز اقل بقليل .. فنادق ميونخ بهذا الوقت غاليه جدا جدا .. وخصوصا القريبه من سنتر ميونخ وما حولها...
بنتظارك

ياهلا ومسهلا بمشرفنا الغالي ...
الوصول ان شاء الله التاسعه صباحا لميونخ , مدة يومين . فندق يوربا وسعره 1250 تعبت لين حصات علية كل شي فل وغالي
ثم استاجر سيارة من يورب كارب "تم حجزها"
ثم انطلاق لسالزنبورغ مدة يومين ,فندق كراون بلازا .
ثم زيلامسي مدة اربع ليالي ,فندق سي هوتيل .
ثم انترلاكن مدة يومين ,فندق lindner grand beau rivage
ثم الانطلاق لباريس وتسليم السيارة هناك , والبقاء مدة خمس ليالي ..
باقي سكن باريس حد الحين ماحجزته ..
عدد الاشخاص : أنا وزوجتي ..
بسألك اذا فيه ملاحظات على فندق ميونخ , وتستاهل اني اغيره ؟؟
ورأيك بباقي فنادقنا ؟؟
وأفضل الاماكن الي نزورها في ميونخ والبعيده عن الطبيعه لاني لاحق عليها في زيلامسي وانترلاكن ؟؟
وبسألك عن الطريق من زيلامسي الي انترلاكن ؟؟وش أفضل طريق لاني قريت انه فيه طريقين ؟؟
وش أفضل الاماكن الي تنصحنا بزيارتهاا في هذه المدن المذكورة لاني جالس هاليومين ارتب برنامجي وحابين نستفيد من خبرتك .....
والله يجزاك خير .. ويبارك لك في عمرك ومالك وعملك ..
وبيض الله وجهك .. بصراحه ماقصرت ..

هلا فيك ..
اولا سوف اقوم بالشرح ثم سوف اجاوبك ..
الطريق من زيلامسي الى انترلاكن اغلبه ريفي .. يستغرق بك الوقت 6 ساعات ونصف .. ثم ان من انترلاكن الى باريس اطول بحدود 7ساعات واشوفه مرهقه حالها حال الانتقال من زيلامسي الى انترلاكن ..
كان الافضل للتقسيم هو وضع مدن بالمنتصف وتكون تستحق الزياره وجميله .. ولو كان مخططي سوف يكون كالاتي ...
ميونخ يومين ثم زيلامسي ثم ( انسبروك ) ثم انترلاكن ثم ( جنيف ) وتسليم السياره بها والانطلاق الى باريس بالقطار.. هكذا بيكون افضل .. لكن عدد ايامك قصير ... لهذا سوف ارشح لك استبدال سالزبورخ بجنيف حيث تكون بعد انترلاكن وتسلم السياره بها وتنتطلق الى باريس بالقطار السريع 3 ساعات وشوي وانت بباريس .. افضل بكثير .. والسبب البعد .. بمعنى اخر قللنا التنقلات حيث تركنا تنقل واحد طويل وهو من زيلامسي الى انترلاكن ولغينا التنقل الطويل الاخر من انترلاكن الى باريس .. ثم ان السكن بجنيف او ما حولها جيد اذا كان المقصود بعض المدن الجميله والقريبه من جنيف مثل مونترو ولوزان السويسرتين والافضل انسي والشامونيه الفرنسيتين ...
كل ما قلته اذا كان بالامكان التغير .. واذا لا سوف اعلق على الفنادق
زيلامسي ممتاز سالزبورخ جيد جدا .. انترلاكن جيد وهناك افضل وهو شقيقه الثاني 5 نجوم وبقلب انترلاكن
Victoria Jungfrau Grand Hotel & Spa
او هذا 4 نجوم واعتبره الابرز وبقلب انترلاكن
Hotel Krebs Interlaken
مع هذا فندقك يعتبر جيد وهو قريب كذالك من السنتر
نأتي الى ميونخ اختيارك للفنادق بباقي المدن . افضل بكثير من المذكور بميونخ .. لكن شوف هذين الفندقين اذا كانوا تقريبا بنفس السعر احجز بواحد منهم او كمل على فندق اوربا ..
https://www.booking.com/hotel/de/holiday-inn-munich-city-center.html?aid=1300939
بنتظار ردك حتى نكمل الباقي
تحياتي

بيض الله وجهك يابو عمر .. وماقصرت ..
كفيت ووفيت ..
بالنسبة للفنادق أنا احتررت فيها واستخرت وجزمت ..
لان فندق ميونخ بصراحه ماكان فيه مجال يالله لقيته ,, بالوقت الي بروح فيه عندهم مهرجانات
وكل الفنادق فل ..
حتى الفندقين الي ذكرتها لي لقيت واحد مافي مجال كله محجوز ..
عالعموم الفنادق وحجزتهاا .. ومثل ماانت عارف ماباقي وقت كثير عالسفره
وانا احب ارتب واخطط لسفرتي من قبل شهور .. ولو بغير وبدل يبي لي وقت ..
اما بعد المسافات الي ذكرتها يارجال احنا في السعوديه نقطع مسافاات طويله بصحراء القاحله ومبسووطين
فما بالك بديارهم الخضراء انا ماخذها تمشيه ومغامرة وسعة صدر
..
والحين انا اكثر شي ابحث عنه برنامج اشوف فيه ابرز الاماكن المهمه بكل ديرة ولايفوتني شي ..
فاذا سمحت والله لايهينك ..
تذكرلي اهم الاماكن أو أبرزهاا بالمدن المذكورة ..
تحياتي

السلام عليكم
انصحك انك تقعد في ميونخ اكثر لانه في اماكن وايد حلوه والمارين وايد شرح وتقدر اتروح غارمش يوم واحد تتمشى فيها بس وانصحك انك تسكن في فندق النوفيتيل مسي وهو ملاصق لسوق ريم اركادا وايد شرح ونظيف والفطور شكله عجيب انا ماتفطرت فيه بس زوجي يقول انه حلو هذا اذا عندك سياره وفي بعد المترو يم الفندق انا هالسنه رحت واستانست وايد منه والغرفه كبيره اخذ غرفه 555

على بركة الله نبدأ بالاماكن السياحيه
ميونخ كما ذكتر يوم لساحة المارينا بلاتز وكالرز بلاتز ... ممكن اتزور الحديقه الانجيليزيه .. ويوم للحدقه الاولمبيه وملاحقاتها كما ذكرت ....
سالزبورخ مهمه اتزور هذوله القرى الثلاث
https://artravelers.com/p/re/339534
ويوم بالمدينه نفسها مع اسوقها ومن ضمنها مجمع يوربا بارك الكبير .. واوت ليت بالقرب من المطار .. رحلة نهر السالزك .. ومهم زيارة حديقة الميربال بوسط سالزبورخ .. والخ .. مطعم تاج محل خلف فندق كراون بلازا
زيلامسي الكثير ... ومنها قمة شمتين هويه .. جبال كابرون الثلج ... شلالات كريميل .. داخل زيلامسي قوارب بالبحريه .. وومكن ركوب الطائره الشراعيه هذي حجزها من الفندق ....
انترلاكن ممكن تخصص يوم لها وزيارتها البحيرتين .. ويوم لقمة اوربا .. وهناك مدينه جميله مثل لويرزن .. او حتى ممكن اتروح ملاهي يوربا بارك بميدنة روشت المانيه ساعتين ونصف تقريبا ..
باريس ما يحتاج الاخوان بالبوابه الفرنسيه بيفودنك اكثر . لكن المعروف برج ايفل رحلة نهر السين .. ديزين لاند .. قصر فرساي .. الادفاينس ... الشانز ... مجمع غاليري لافايت ..

ام عبدالله ..
تسلمين , والله يعطيك العافيه ..

جزاك الله ألف ألف ألف ألف ألف ألف خير ...
والله يبيض وجهك يابو عمر ..ويعطيك العافيه .. ويطول بعمرك ..
تعبناك .... تحملنا بس هذي ضريبة الخبرة
قريت موضوعك بالنسبة لثلاث المدن في سالزنبورخ وبسألك لاهنت ..
اقدر أروح لثلاث مدن كلها بيوم واحد ؟؟ وش ترتيب القرى ؟؟
والوقت الانسب لذهاب والعودة ؟؟
تحياتي

المدن وضحتها .. بالتقرير تبدأ بالابعد ثم زولا على الترتيب المذكور.. وهي ولف قانق ثم تنزل الى سانت قاقن ثم فوشل ام سي ... يكفيك يوم واحد من الصباح ... واجعل اكثر مده للجلوس بالاولى وهي الابعد ولف قانق ..
تحياتي