اهلين اخوي بالنسبه للاطفال اذا متعودين علي جدانهم او احد من اهاليكم خلوهم لان كلها 10 ايم ماتسوي تضيع بحوسة الأطفال ولاتنسي التنقلات وبعض الاماكن في مشي كثير وش بتسون فيهم بيتعبون ويتعبونكم يعني خلوها شهر عسل جديد
وكمان تغير الجو وهو الاهم الاطفال بسرعه يتعبون وسخونه وزكام من غير شر الافضل تخليهم
انا مسافره اخر الشهر وبخلي بنتي عشان نبي نستانس وعشان هي حرام بتتعب توها صغيره سنتين تقريبا
اما بالنسبه للمزانيه علي حسب صرفك والفنادق الي تختاره بس اتوقع تكفي
ولجل عيون زوجتك حط باريس وابو باريس بعد وش عندك غيرها دلعها
رحلتي انا نفس الشي بنروح فينا ومنها لباريس لأني مره نفسي اروح لها واحلي مدن فينا سالزبورغ وزيلامسي الي هبلتني وانا مابعد شفتها الا بالصور
وان شاء الله رحله موفقه واي استفسار اختك حاضره بالي تعرفه

والله اذا انت تقدر على تذاكرهم خلهم يروحون
وبالنسبة لاي مدينة تروح ودي انك تحاول تقرا بالمنتدى شوي يعني صدقني كذا موضوع بتقراه وبعدها بتعجب بمدينة معينة
وبما ان سفرتك 10 ايام ترى يالله تكفي النمسا يعني باريس اقل شي بيروح عليكم يوم طيران او قطار
حاول تقرا صدقني بتستفيد اكثر
تحياتي لك

كلي وفا2009 تسلمي بنصرف الاولاد ونخلية شهر عسل شورك وهداية الله
وخوي توني جديد مشكور وماقصرة بسمع نصيحتك بس فيه نقاط واستفسارات لم اجد موضوع يتحدث عنها( الاطفال _اللغة_الفيزا)

اخواني اصحاب الخبرة ردو علي بس بخصوص اللغة اقل شي هذا اول زيارة لاوروبا واخوكم متخوف شوي عشان كذا بحاول احجز كل شي من فنادق- مواصلات من هنا حاب يكون كل شي منظم وجاهز
اذا مايزعلون على المشرفين هل فيه مكتب سياحي متميز في جدة (ارد على الخاص عشان ماانطرد، بنسبه للمكتب)

طيب اسمع
انا حطيت موضوع وودي انك تمر علية وتقراها بالتفصيل واي مساعده حنا حاضرين
وهذا رابط الموضوع
https://artravelers.com/p/re/267223

اذا لغتك وسط مثل ما تقول توكل على الله وروح ,وبالنسبه للاطفال انا من رأيي انك تخليهم عند الاهل خصوصاً ان سفرتكم كلها 10 ايام وبالنسبه للمبلغ ان شاء الله يكفي لكن بدون تسوق وبالنسبه لباريس وايد بعيده عن النمسا الله يعينكم على السفر اما اذا كان طيران اوكي بس ما اظن فلوسكم بتكفي لأن باربس اغلى من النمسا واما عن المدن النمساويه فأرشح لك سالزبورغ وزيلامسي روعه .

اخوي ابو مروي في مكتب ايلاف بجده مره زين حجزنا من عندهم فندق زيلامسي الليله بألف واربعين ريال شامل فطور وغداء او عشاء انت تختار وحجزنا الطيران الداخلي الاقتصادي الشخصين اقل من الف ريال
اما فندق باريس وفينا حجزناه من موقع بوكنيق خلني اقولك مجموع الفنادق لكل الايام 13 يوم 10 الاف واخترناها بأحلي المواقع وكلها 4 نجوم
ملاحظه((كل الفنادق لما تحجزها قلهم هوني مون=شهر عسل))عشان تستفيد اذا عندهم برامج للعرسان او علي الاقل يقدمون لك كيك وعصير يعني تحسون انكم عرسان صدق
وبالنسبه للغه كل الي راحو يقولون الي لغته متوسطه مافي مشكله بس المهم تعرف الأساسيات بذات لانك رايح دول اصلا لغتهم ماهي الانقليزيه يعني كلكم بتصيرون تطقطون شوي بس بالأخر بتدل ان شاء الله
واي استفسار ثاني وانا اختك لايردك الاكيبوردك

ابو مروي خل عنك العنا والتعب - شكلك تبي تفر اوربا في عشر ايام - الدعوه عشر ايام - دور لك كوخ ولا شقه وارتاح فيها - وريح بنت الحلال اللي معك - خلك حول البحيره وزلمسي - وميونخ - باريس يبي لها سفره لحالها

^
^
^
ضحكني اسلوبك الله يسخر لك صحيح اذا بيروح اوربا لازم يزيد الايام شوي
شوف اخوي ابومروي انت شكلك متقيد ب10 ايام عشان الميزانيه بس انا اقولك لو زدتها 5000بس بتضبط معك وزيدها بعد 3 ايام وخليها كالتالي
من السعوديه الي فينا وتجلس فيها 3 ايام ومن فينا الي زيلامسي بالقطار وتجلس فيها 4 ايام وترجع بالقطار الي فينا وتكون حاجز الطياره دايركت من فينا الي باريس وتجلس فيها 6 ايام ومن باريس العوده الي الوطن هذا جدول رحلتي اذا ناسبك ابشر بالتفاصيل اكثر