هيا كويت
22-10-2022 - 07:40 am
بسم الله الرحمن الرحيم اخواني واخواتي اعضاء هذا المنتدى الرائع ارجو مساعدتكم لي بالتخطيط لرحلة العمر في الصيف القادم الى بلاد العم سام انا احب اخطط بدري واحجز تذاكر بدري علشان استغل كل يوم بخطة مدروسة..المهم انا وزوجي وبنتي البالغه من العمر 7 سنوات نبي نروح لامريكا شهر 5 2013 اذا الله احيانا وكتبها لنا المهم احنا اول مرة نروح يعني ماعندنا خلفية نهائيا عن اي شي في امريكا..!!مدة الاقامة 20 يوم..ابي جدول حلو وممتع وابي اروح لولايات يكون الجو فيها معتدل يميل للبرودة تعرفون جو الكويت نار ف محتاجة اروح لمكان بارد مو اطلع من جو حار اروح لجو احر منه..ابي اعرف وين الاماكن السياحية .. والفنادق النظيفه مو الغالية..اهم شي النظافه..واحسن خطوط طيران ..وبالنسبة للمصاريف اذا ماكان فيها تسوق كثير ..ام ادري اسالتي كثيرة بس اتمنى مساعدتكم الكريمة ولكم دعوة مني بظهر الغيب..مشكورين مقدمامشكورين
بالنسبة للمتعة العائلية اشوف ان ولاية فلوريدا بمدينة اورلاندوا هي افضل مدينة للترفيه العائلي بالنسبة للحدائق والافعوانيات
لاكن عيبها الرطوبة
متوسط درجة الحرارة في شهر مايو 31-19
اما كاليفورنيا فتعتبر من افضل الوجهات اقل ترفيه لاكنها اوسع كرحلات وتسوق
متوسط درجات الحرارة في مايو 14 - 24
اتمنى منكم قراءة التقارير المصورة في المنتدى ومنها تقاريري في التوقيع لاخذ فكرة عن المدن ومواقعها ونشاطاتها
ومن ثم تحديد الوجهة المناسبة لكم وسنساعدكم في التخطيط لها باذن الله ,,
هذا الرابط مفيد ايضاً لمشرفنا عزيز
https://artravelers.com/p/re/687479
بالتوفيق ,,