1. ===========

عندك اربع خيارات او خمس خيارات بجاكرتا لفنادق فخمه
ريتز كارلتون | فور سيزن | قراند حياه | كومنسكي |شنقريلا
اسعارهم من 160 و180 دولار وانت طالع تقريبا وايحيانا تنزل عروض باقل 10 دولار عن هلسعر
هلفنادق نخب اول وتعد الافضل تقريبا في العاصمه
وفيه فنادق اقل سع في جاكرتا واقل تصنيف اذا لك ميزانيه مححده للسكن اقل من هالاسعار وهي فنادق جيده ايضا
موليا سينايان فندق ممتاز يعيبه بعد نصف اليل لا تنزل للوبي فيه
فندق نيكو موقعه استراتيجي وسعره اقل لكن غرفه اصغر واقل فخامه
فندق كراون بلازا ومانهاتن فنادق قريبه من اسواق وسط العاصمه واسعارها مناسبه والفنادق جيده مو فخمه
فندق بروبودوروفندق سلطان جيده يعيبها كثره سكانها العرب
فندق شيبترا اقرب لشمال جاكرتا وقريب من بعض الاسواق وقريب من شاطيء جاكرتا مو بعيد عنها كثيرا وتحته مول متوسط سعره مناسب وفندق جيد كخدمه ليس فخم كثيرا كلاسيك
وفندق ميركوري احد الفنادق النادره علي شاطيء البحر مباشره سعره بين ال 70 وال 80 دولار تقريبا مو فخم كلاسيك ميزته موقعه بوسط منطقه انشول الشاطئيه
حدد خياراتك ف يالسوال اولا ليتم اجابتك بشكل يناسب خياراتك وميزانيتك
========
بونشاك مافيه فنادق خمس نجوم بمسماها الفعلي حتي لو اعطي تقييم خمس نجوم فهي فنادق ريفيه غالبا
ومادمت زرت المنطقه تعرف وش اقصد
عندك سيروني 3 او 2 مناسب جدا كموقع وسعر جيد مو غالي
وعندك فندق الياسمين في شيباناس وسيترا في اول طريق البونشاك من الفنادق القليله في المنطقه المصنف باربع وخمس نجوم ببعض المواقع
وفيه نوفوس بونشاك في شيباناس اذا بتاخذ نظام فيلا صغير | او بونشاك ان | او بونشاك باس
تقدر تطالع هلفنادق وصورها في الموضوع المثبت بعنوان الدليل الشامل لبونشاك ف يالقسم العام للسفر لاندونيسيا
============
مادامك عريس ففي بالي انصحك تمر مواضيع اخونا نجم الكويت وتختار لك فيلا تناسبك وتكون فيها خصوصيه افضل من فندق لتغير جو والفلل الفاخره هناك تناسب العرسان

===========

قبل لا اختم الاجابه ليتك لم تكتب في سوالك لخبراء فقط فكل الاخوان فيهم الخير هنا وبعضهم قد يكون مجرب لموقع محدد ويقدر يفيدك اكثر من شخص له خبره واطلاع من خلال تجربته ويمكن سفرته تكون سفره واحده فقط بس شاف فيها اكثر من اللي سافر عده مرات وقد يكون ارشاده لك مناسب فك الاخوان هنا يحرصون علي ان يكونون امينيين في اجاباتهم يا غالي
=
اختم بالقول يومين جاكرتا قد تنسابك كعريس وبونشاك لم تحدد كم يوم بس يومين ببالي صدقني لو تكنسلها افضل لك او تطول مده روحتك لها عل يالاقل اربع او خمس ايام
يومين بالي ما تسوي قيمه التذكره لها ما يمديك ترتاح الا خلصت اليومين

صباحك ورد
مبين من موضوعك اخوي ان فترة بقائك هناك محدودة وليست بالفترة الطويلة
حبيت اضيف خيار من خيارات السكن في جاكرتا وهو فندق لومير والمسمى بالاتريوم سابقا
الفندق الان ممتاز بعد تغييره وستجد راحتك فيه لأنك ماراح تشوف فيه اي من الامور التي تغضب رب العباد
سبق وان سكنت فيه برفقة ام العيال وكان خيار مناسب جدا لقربه من سوق الاتريوم ومنطقة الانشول ماهي بعيدة كلها 10 دقائق وانت هناك مع العلم ان اخوي ابو خالد وضع لك خيارات جدا ممتازة تناسب العرسان
وكنت اتمنى لو انك حددت لنا عدد الايام اللي بتقضيها هناك علشان تكون المساعدة سهلة جدا ويكون ترتيب الامور بالشكل اللي تتمناه
ومثل ما قال اخوي ابو خالد يومين بالي ماتسوى لو تخليها اقل شئ 4 ايام الى 6 ايام صدقني بتحس بالفرق
وخيار السكن يعتمد عليك اذا تبي فيلا خاصة ولها قدسيتها او اذا تبي تاخذ لك فندق وهناك موضوع للأخ الرائع والمميز نجم الكويت بخصوص الفلل في بالي وبيض الله وجهه على موضوعه اللي يعتبر مرجع هام للمسافرين إلى بالي
في إنتظار عودتك وتوضيح بعض النقاط لكي نساعدك
وعلى دروب المحبة نلتقي
أخوك
ابو راكان

اشوف لو تخلي سفرتك جاكرتا - الجبل -باندونق ( للهدايا والتسوق قبل الرجعه شي مهم والا يزعلون عليك الاهل )-جاكرتا
الاخوان ماقصروا بس لو تختار شقه او سويت للسكن افضل من غرفه فندقيه وخصوصا للمتزوجين الجدد .
اهم شي كم محدد سعر الليله للسكن؟؟