هيمان1
28-09-2022 - 08:54 pm
الرحلة بتكون على الخطوط السعودية أو القطرية وايهم افضل في شهر شؤال في يوم 11/10/1429 هجري بإذن الله سبحانه وتعالى وبعد الوصول بيكون السكن في جاكرتا لمدة يوم أو يومين ممكن احد يفيدني بسكن في جاكرتا بيكون كويس . او يكون الاتجاه من المطار إلى الجبل ويتم الحجز من احد المكاتب في الجبل .
بس ممكن احد يفيدني يالربع عن افضل مكتب احجز فيه تذكرة على بالي في جاكرتا أو الجبل وبكم بتكون قيمة التذكرة لكل شخص ذهاب واياب وماهي الأيام اللي فيها الرحلة متجهه إلى بالي وما هي افضل شركة نكون نحجز عليها وهل نلزم أن نؤكد حجز للعودة أما بيكون الحجز مفتوح أيهم افضل وهل هناك وزن معين لكل شخص .
وكيف بيكون السكن في شقق او فلل أيهم افضل من جميع النواحي وماهي الأماكن التي يمكن أن نزورها في بالي وحنا عددنا ثلاث اشخاص طبعاً السكن في بالي ما بين أيام تقريباً ... وكم بيكون كل واحد فينا يدفع فقط لبالي بدون قيمة التذكرة .
السلام عليكم ورحمة الله وبركاته
مبروك عليك الشهر أخوي الهيمان
بالنسبة لإستفسارك .. من رأيي إنك تسكن يوم في جاكرتا وترتاح من عناء الرحلة حتى لو إنك ساحبها نومه طول الرحلة .. ويمديك بعد تتسوق أي شي ناقص عليك .. وتوصل بعدها الجبل وأنت مرتاح وتدور شقه تعجبك على أقل من مهلك .. وبخصوص مكاتب الجبل ماعندي علم فيها .. لاكن لاتسكن لين تعاين الشقة ونظافتها وموقعها .. والأفضل إنك تنبش المنتدى وتنشن لك على شقه مذكوره بالصور وممدوحه وتخلي السواق جاكرتا يوصلك لها ..
بخصوص تذكرة بالي عندك مكتب كاها .. أشهر الموجود .. قله كل إللي فخاطرك وإن شاء الله سهالات ..
السكن في بالي راجع لك .. سواء تبي فندق أو شقق .. وأقترح تسكنون في شقة أفضل دامكم ثلاثة .. أشرح لكم وأرخص .. بس أهم شي الموقع ..
أنصحك تسبر أغوار المنتدى وتسجل في ورقه ثلاث إختيارات لكل مايعجبك من شقق وفلل .. وتقرأ كلام الربع عنها ..
تروح وترجع بالسلامة ..