شخصين كبار فقط لمدة 21 يوم ؟هل تم حجز تذاكر السفر الذهاب والعوده من نيويورك؟
نصيحه توزيع ال 20 ليله كالتالى:
نيويورك 4 ليالى وبعدين طيران لميامى 4 ليالى ومنها كروز بالباهاماز 3 ليالى ومنها بالسياره الى اورلاندو 7 ليالى ومنها بالطيارة لنيويورك ليله
لازم تحاولون تحجزون بسرعه الطيران والفنادق والكروز لان ماعندكم وقت كافى
نياقرا اخر اكتوبر او اول نوفمبر يسكرون النشاطات لان برد وايد

نعم اخوي تم حجز تذاكر السفر الذهاب والعوده من نيويورك،
شكرا على المخطط لكن اورلاندو ماتنفعنا مانبغي الملاهي وميامي نفس الشي خفت من بعض التقارير الي تحذر من الافارقه ( متعقدة من مطارق لندن ) م وبالنسبه للكروز فيه اماكن غير الباهاماز ؟شفت صورها وماتشجعت! ، وشو الانشطه الي في نياجرا؟ وممكن نخليها في بداية الجدول يعني نبدا فيها من تاريخ 23 - 10 ، ودي في مكان طبيعته حلوه مقاربه لطبيعه اوروبا

طبيعه و خضره مو بامريكا نصيحه روحوا اوربا ( سويسرا والنمسا والمانيا وفرنسا)
نياقرا فولز بالشتاء يقفلون الاماكن السياحيه المهمه ( التاريخ للغلق مو معروف بالضبط -- فنصيحه لاتروحون)
روحوا كاليفورنيا ولاس فيقاس اذا ماتبون ميامى واورلاندو

رحنا جميع الدول الاوروبيه الي ذكرتها وهالسفره للتغيير كما ذكرت، ع العموم شو الاماكن السياحيه والمدن القريبه من نيو يورك واقدر ازورها؟

ممكن تزورون نيويورك وبعدها فيرجينيا (واشنطن - رتشموند) واذا تبون جبال تينسي (سموكي ماوتنز) وكلها بالسيارة..

أبو جنا
جميل،، شكرا اخوي ابو جنا بس عندك فكره عن المسافات وكم ساعه بين المناطق الي ذكرتها؟

آسف لتأخري في الرد
نيويورك إلى واشنطن 3:40 دقيقة تقريباً
واشنطن إلى ريتشموند 1:45 دقيقة تقريباً
ريتشموند إلى سموكي ماوتنز 6:10 دقيقة تقريباً
سموكي ماونتنز كأنك في الريف السويسري أو النمساوي..
تستحق 3 ليالي على أقل تقدير اذا ماودكم بفلوريدا أو كاليفورنيا..

أبو جنا
مشكور اخوي على الرد وتجاوبك الفعال معي
بس اعذرني عندي كذا منطقه ودي نزورها ومددنا الفتره لشهر. بننزل في مطار نيويورك ، والسكن ماحجزنا للحين لكن بعض الاهل رشحو لنا هذا السكن Fox Run Apartments ، هذا العنوان http://www.apartments.com/Ohio/Willoughby/Fox-Run-Apartments/1583122 ،
المناطق الي نبغي نزورها في الولايات الشرقيه هي كالتالي: نيويورك + واشنطن + ولاية بنسيلفانيا ( نشوف قريه الاميش + هيرشي + فيلادلفيا او مدينه ايري ) + شلالات نياجرا. التنقل بيكون بالسياره
وبالنسبه للولايات الاخرى ( التنقل بين الولايات راح يكون بالطيران الداخلي) : نبغي نزور ولايه تينسي والسكن في سموكي ماونتز لمده اربع ايام ..
وايضا نبغي نروح كاليفورنيا، محتارين بين لوس انجلوس و سان فرانسيسكو
ف لو سمحت ممكن ترتب لي الجدول على هالاساس ، السفره بعد اسبوع ومارتبت الجدول

يبدو ان تنقلاتكم بتكون كثيرة و متعبة جدا الى جانب ضياع الوقت في المواصلات بين تلك المدن
حاولوا يكون التركيز على جهة واحدة الشرق او الغرب
ارجو لكم السلامة