white angel
11-02-2022 - 07:05 am
السلام عليكم ورحمة الله وبركاته
كيف حال المسافرين ؟؟؟
هذا اول موضوع الي في المنتدى واتمنى اني القى المساعده منكم
قبل سبوع تقريبا قررت والاهل ان احنا نسافر الى النمسا وبنمر ايطاليا
كنا اول شي حاطين الامل على شركة رويال :112: اللي كنا نتوقع انها بتوفر كل شي للسفر
وكل يوم نكتشف شي جديد يدل على البوق والنصب عندهم
بس ويش اقول غير الله لايوفقهم انشالله
بس بعد هالصدمه النفسيه اللي مرينا فيها قررنا نروح ويا قروب سياحي بما انها اول سفرة لينا لدول اوروبا
يعني مانبغى تضيع الايام و الفلوس على الفاضي
بس بعد ماانصدنا في شركة رويال قلت خلني اسألكم واخذ الخبره منكم
لان بصراحه استفدت من المنتدى وايد من مجرد القراءه والنظر (ويش رايكم بالفصحى )
حسيت اني زرت النمسا وتعمقت في شوارعها بعد
وانشالله بمساعدتكم اسافر واجيكم بالتقرير المصور وبالتفصيل الممل
كأني ضيعت الموضوع
اذا ممكن من كل واحد يدخل الموضوع يقولي عن افضل وكالة سياحه و الا افضل شركه للقروبات السياحية
يعني يكون كل شي عليهم من سكن و تذاكر و من والى
وعادي لو كانت الاسعار متوسطه مو شرط انها تكون رخيصه اهم شي الخدمه اوكي
وماادري كيف بالنسبه لتذاكر الطيران يعني احنا نحددها والا لا
اذا كانو هم اللي يحددوها يفضل تكون على طيران الامارات
ويش بقى
ومدة السفر بتكون تقريبا 21 يوم الى 22 يوم
واخر شي متى افضل وقت للسفر للنمسا في اي شهر؟؟
احنا تقريبا 5 اشخاص كبار
واحد من الاشخاص اعتبره طفل عمره 12 سنه
وطفل صغير عمره 9 سنوات
يعني المجموع 6
وانتظر ردودكم بليز لاتتأخرون ومشكورين مقدماا
https://artravelers.com/p/re/120767