بسم الله الرحمن الرحيم
تحياتي لجميع الأعضاء والمشرفين في هذا المنتدى الرائع, بصراحه وايد أستفيد من معلوماتكم وخبرتكم الجميله في السفر ونقل المعلومه المفيده
هذي أول مره أتشجع وأشارك معاكم ,,,وبصراحه أحتاج مساعدتكم واقتراحاتكم لأني المسؤله عن تنظيم رحلة هالسنه وجت سفرتنا مفاجئه لاني مخططه ع شهر 8 بس زوجي مايقدر ياخذ اجازه غير أسبوعين وبتكون في شهر 6 للاسف ..بس معلش أنا سمعت أنه الفنادق والاماكن السياحيه تكون أهدا وأسعارها شوي أرخص
أحتاج رايكم في كل شي مسار الرحلة-عدد الأيام- الفنادق-الاماكن السياحيه وكل شي واذا حابين تنصحوني باي شي بليز لا تترددون
نبدا بسم الله
عدد المسافرين: أنا وزوجي وابني (سنه وشهرين)
مدة الرحلة:31/05/2008 الى 13/06/2008 (14 يوم)
وسيلة المواصلات: بالنسبه لي أفضل نأجر سياره, بس هل تتوقعون استخدام القطار او اي وسيلة مواصلات أخرى عملي لانه عندي طفل مزعج شوي خ وعربة أطفال ؟
الخطوط الجوية: أتوقع الامارات
المسار المقترح 1:
دبي-فينسيا-Garda Land- زلامسي-ميونخ-دبي
المسار المقترح 2:
دبي-ميونخ-زلامسي-يوروبا بارك-ميونخ
المسار3:
دبي-ميونخ-يوروبا بارك-زلامسي-سالزبيرج-ميونخ
المسار 1 و 2 مقترح علينا من مكتب سفريات
المسار 3 انا وزوجي فكرنا فيه
ارجوكم ردوا علي بسرعه وبعدين بكمل الموضوع من ناحية المده والفنادق وغيره
في نصيحتكم للمسار ارجوكم تراعون نقطتين: عندي طفل صغير واتمنى تكون الرحلة مريحة وثاني شي نستانس لانه هذي أول مره أسافر للمناطق أعلاه
أنتظر ردودكم لا تبخلون علي بالنصيحة أخواني
ودمتم بصحه وراحة بال
أختكم
Fun79Fun