snowwhite 87
29-10-2022 - 02:12 am
السلام عليكم اعضاء المنتدى الكرام .... ان شاء الله حابين نروح امريكا الصيف الجاي بعد الاختبارات النهائيه على طول و حيكون في نهايه شهر 6 جون و نبغا نقدم على الفيزا من دحين وابغا اعرف هل ممكن نحجز التذاكر الدوليه قبل ما تطلع الموافقه على الفيزا ؟
وايش افضل خطوط ممكن نسافر عليها وارخص خطوط بس يكون فيها شاشات ترفيه عشان الاولاد لاني بصراحه دخلت على الاماراتيه وعلى التاريخ الي نبغاه التذكره للشخص الواحد فوق 4000
وكمان الخطوط السعوديه ما تنفع لان الذهاب على نيويورك بس العوده من لوس انجلوس
وياريت تساعدوني في ترتيب الرحله وهي لمده 23 يوم 4 منها في نيويورك و الباقي في كلفورنيا بين لوس انجلوس و سان ديغو وسان فرانسيسكو
وبالنسبه لتذاكر الدزني والملاهي عموما افضل حجزها عن طريق النت ولا من الملاهي نفسها واذا عن طريق النت اناشايله هم انها تحكرنا في اليوم يعني اذا ما قدرنا نروح تتلغي بصراحه انا ما اعرف طريقتها
طولت عليم ومشكورين مقدما
التذاكر ممكن تحجزوها من غير شرائها لين ما تطلعلكم الفبزا !!
كما تفضلتم الخطوط الاماراتية تطلع للوس انجلس ونيويرك وسانفرانسيسكوا فهي الافضللكم اذا هذه وجهتكم !!
بالنسبة للخطة ارشح لكم :
4 ليالي نيويورك
3 ليالي سانفرانسيسكوا
3 ليالي لاس فيقاس
بعدها الى ارفاين او نيوبورت بتش جنب بعض 5 ليالي
سانديقوا 3 ليالي
لوس انجلس في وستوود او سانتا مونيكا 5 ليالي
تذاكر دزني تاخذوها من هناك
ملاحظة دزني كاليفورنيا صغير جداً ولا تقارن بالي في فلوريدا !!
بالتوفيق