1. والحين نروج للطيران

شوف حيبي ان شاء الله أقدر أرد على كل استفساراتك أول شئ راح أبدي وياك بالنسبه للخادمه الهنديه تره مو الجنسيات تحصل على فيزا لأمريكا عشر سنوات كل دوله ولها نظام معين حته بدول الخليج مو كل الدول تاخذ فيزا عشر سنوات ونبلش الحين بالاستفسارات الثانيه
لوس انجلوس مدينة عجيبه بولاية عجيبه والجو فيها مو طبيعي يفرق 180 درجه عن أورلاندو الأجواء فيها حلوه والأماكن السياحيه اللي فيها حلوه والمدن المجاوره لها جميله وكل وحده تتميز بشئ ولا تحياتي بالنسبه للأماكن السياحيه لأنها كثيره هناك
طبعا نصيحه مني اذا تبي تروح لوس انجلوس لازم تقسمها نصفين يعني تسكن فيها بأحد المناطق الجنوبيه علشان تقدر تزور مدينة سان دييغو لانه فيها أماكن سياحيه حلوه ووتقدر تغطي الأماكن السياحيه اللي بحنوب لوس انجلوس وبعدين تنتقل الى شمال لوس انجلوس وايضا تقعد فيها علشان تقدر تغطي الأماكن السياحيه والمناطق المجاوره للمنطقه اللي راح تسكن فيها بالشمال وتقدر تروح من خلالها الى مدينة سان فرانسيسكو لانه جميله بطابعها الأوروبي وفيها أماكن سياحيه
هذا الرابط راح يفيدك بالنسبه للسكن في لوس انجلوس
https://artravelers.com/p/re/292781

والحين نروج للطيران

أنا أنصحك انت تروح دايركت من الكويت لأمريكا لاني جربت الترانزيت بلندن ما ارتحت الصراحه وكنت على الخطوط الجويه الكويتيه الصراحه الكويتيه تفرق الخدمه فيها من أماكن بعيده أو قريبه يعني رحلتي لنيويورك من خلالها كانت ممتازه ومتساهلين ويانه في كثير من الأمور انا اللي أعرفه انه مافي طيران يطلع من الكويت دايركت الى أمريكا الا الكويتيه تنزل نيويورك واليونايتد تنزل واشطن وقبل كانت الكويتيه تروح شيكاغو بس الحين اتوقع انهم وقفوا هالخط ونصيحه اختار الخطوط الجويه الكويتيه على الأقل ترتاح من ناحية الأكل حلال علشان معاك أطفال وسلامتك
نصيحه انزل نيويورك واقعد فيها يومين ارتاح من الرحله بعدين اطلع منها للوس انجلوس ومن اهناك راح تبدي الجوله ابدأ بالمكان اللي ترتاحله يعني تبي من الشمال أو من الجنوب كيفك وتقدر على فكره تاخذه من شمالها الى جنوبها يعني تروح من نيويورك الى سان فرانسيسكو وبعدين تنتقل الى لوس انجلوس وبعدين سان دييغو والعكس وتقدر من لوس انجلوس تروح لاس فيغاس تره مو بعيده وايد هم تاخذلك يومين اهناك هذي كلها أفكار انت شوف اللي يناسبك واحنه ما راح تقصر وياك بتضبيط الرحله
أدري طولت عليك بس ان شاء الله قدرت أفيدك وما أكون قصرت وياك سامحني ياخوي على الإطاله تقبل مروري

مشكور https://artravelers.com على الرد ..
بس بخصوص مطار نيويورك اللي أعرفه عنه إنه زحمة وايد . لما ذهبت إلى أورلاندو كان المطار فاضي وحتى تسجيل الدخول ماطول أكثر من ربع ساعة . أخاف بمطار نيويورك يزرعوني أكثر من ساعتيت وانا معاي عايلة وأطفال مابيهم يتعبون . فهل مطار واشنطن أحسن ولا نفس الشئ ؟؟
وأي مدينه أحلى , واشنطن ولا نيويورك ؟؟؟
وبخصوص لوس انجيلوس أنا ناوي أجلس فيها 5-6 أسابيع (بس ودي أعرف أحسن مكان حق التسوق فيها ) أما باقي المعالم السياحية فترتيبها من حيث الأهمية بعد السوق .. فما هو أفضل مكان للسكن من أجل السوق ؟؟

1. kavedas

kavedas

شوف حبيبي تره كل المطارات نفس الشئ بالاجراءات اذا عند وياك واحد لا تقولي راح تفتك من ايده وان شاءلله ما راح يصير وياك شئ بالفعل انا اللي أعرفه انه مطار جي اف بنيويورك وايد زحمه بس تره مو كل الأوقات انا طيارتي وصلت المغرب نيويورك المطار كان فاضي حته ما سوو لنه تسجيل دخول ولا شئ ما عليك لا تحط في بالك زحمه ويعطلونك سهالات ان شاءلله خلها على الله كل الأمور تتيسر وياك ان شاءالله وطبعا نيويورك أفضل بكثير من واشطن من ناحية الأماكن السياحيه وراح تستانس بها كثير من المدن اللي دخلت قلبي وسكنت فيها وايد حلوه نيويورك وبالنسبه لوس انجلوس تره فيها الأسواق كثيره يعني ما تقدر تحدد موقع معين علشان تسكن فيه علشان تقدر تتسوق على راحتك يوجد مراكز تسوق ومجمعات على طول لوس انجلوس بالخريطه وكلها ممتازه شوف انا بقترح عليك اقتراح شوف تقريري راح يفيدك وايد وراح تعرف منه أماكن التسوق ووين أنا سكنت بلوس انجلوس علشان تتضح معاك الرؤيه
https://artravelers.com/p/re/295384
وهذا تقرير اخوي المشرف امباكت انا الصراحه استفدت منه وايد وخاصتا في تقسيمة لوس انجلوس جزئين جنوبي وشمالي وطريقت السكن فيهم
https://artravelers.com/p/re/232906
شوف انا بقولك رأيي انا رحت الجزء الجنوبي من لوس انجلوس وسكنت فيه ورحت المجمعات التجاريه والسواق اللي فيه بس ما حبيتها مثل المجمعات والسواق اللي بالقسم الشمالي لمه سكنت بشمال لوس انجلوس ويفضل طبعا السكن بأحد المناطق التاليه : هولييوود - وست هوليوود - بيفرلي هيلز والسوق وكلهم يتمتعون بأسواق نار وخاصتا بيفرلي هيلز تقبل تحياتي ويعطيك ألف عافيه

انا متردد أروح نيويورك لأنه معاي أطفال (3سنوات+سنتين) أخاف ماتناسبنا نيويورك وزحمتها ؟؟ شرايكم ؟؟
والمهم عندي لوس أنجلوس . لان نيويورك للراحة من الطيارة فقط . أنا ودي أجر فيلا أو شقة كبيرة حق 5 كبار وطفلين . وجدت كثير من الفلل وبسعر 5500-8000 دولار في الشهر (سعر مناسب جدا) وفي مناطق مثل هوليوود أو سانتا مونيكا . وفلل جدا راقية . بس هذا التقدير من الصور اللي شفتها .
هل في أحد جرب يأجر فيلا ؟ وشلون كانت ؟ وهل تنصحوني بفلل معينة أو موقع معين ؟؟ ياريت إذا فيه أحد راح وجرب يفيدني

Mammoth Lakes فيه أحد راح لها ؟؟ شكلها عجيبة وفي طيارة من لوس أنجيلوس مدتها ساعة وحدة . كم ليلة تسوى أجلس فيها ؟؟

kavedas
دخلت على الموقع فعلا رهيبه بس اذا كانت بالطياره ساعه من LA ممكن يروح لها الواحد بالسياره الا اذا طريقها صعب مره !!! فعلا ياليت نسمع من الاخوان اذا احد سبق وراح لها
تحياتي

اخوي https://artravelers.com ما قصر بس انا لاحظت انك وايد متخوف من مطار نيويورك ، انا صارلي سنتين ورا بعض انزل بمطار نيويورك ماشالله الاجراءات حيل سهاله ما يمديك تختم الجوازات و وتستلم جناطك الا لاقي نفسك بالشارع و حتى الوكت الي تنزل فية الكويتيه حلو يكون ما في زحمه بالمطار كلش هذا اذا حاب تروح عن طريق الكويتيه بس تنزل ترانزيت ساعه و انا افضل الترانزيت الساعة عشان تحرك ريولك شوي و تغير جو الطيارة و بنفس الوكت ما تكون خسرت ايام من رحلتك
و بالنسبة لنيويورك جوها حلو و يحسسك انك عايش بفلم خاصتا بالشتا و ممكن تريح فيها ليلة او ليلتين و ترجع تطير حق LA
و اذا على سوق LA راح يعجبك ان شالله اكثر من اورلاندو لان اورلاندو متخصصة بالثيم باركس اكثر من الاسواق
و لوس انجلوس راح تشوف فيها الجبال مثل ما تبي و بنفس الوكت البحر و جوها عجيب ما يتقارن بفلوردا بس انا اكلمك عن شهر 4 لاني دايما اروح بهالفترة
و اذا تبي تفاصيل أكثر عن الاسواق و الاماكن الترفيهية ممكن اعطيك لاني مجمعة خوش معلومات
و نسيت اقولك في اوت لت كبير في نيويرك واايد حلو انا كل سنة لازم اروح له يبعد ساعة عن منهاتن بس كل الماركات الي تخطر فبالك موجودة فيه و تروح له عن طريق باص سياحي خط سيرة بس لسوق هذا و تذكرة الشخص 40 دولار
و اذا عندك اي استفسار انا حاضرة ومن عيوني

q8 moon
مو https://artravelers.com اللي خايف من نيويورك . أنا Kavedas اللي خايف . وأدري انه الإجراءات في المطار ماتخوف بس المشكلة أنه معاي أطفال وخايف من الزحمة وصيحة اليهال وأذيتهم في المطار . بس في النهاية الظاهر اني بتوكل على الله وبروح نيوييورك وولوس أنجلوس .
وياليت تقولين عن الأسواق لانه أهلي وايد عجبهم سوق أمريكا . وشنو اسم الاوتلت اللي في نيويورك ؟؟؟
وشكرا