وينكم يامسافري اسبانيا
تقريبا استقريت على 3 مدن (ماربيا - برشلونه - سان سيباستيان ) وشرايكم ؟
واذا ممكن ترشحون لي فنادق مجربه في مناطق حيويه + هل فيه مدن قريبه من ماربيا وبرشلونه بحيث ازورها يوم واحد فقط خاصة المدن التاريخيه ؟
وياليت ترشحون لي اهم الاماكن السياحيه في ماربيا وبرشلونه
ياليت تساعدوني في اقرب وقت بلييز

تقريبا استقريت على 3 مدن (ماربيا - برشلونه - سان سيباستيان ) وشرايكم ؟
حلو جدا
هل فيه مدن قريبه من ماربيا وبرشلونه بحيث ازورها يوم واحد فقط خاصة المدن التاريخيه ؟
ماربيا حولها كثير من المدن ... أهمها غرناطة , قرطبة , اشبيليا .. ألخ
اما برشلونة فيه Girona و Tarragona و ملاهي بورتا افينتورا
وياليت ترشحون لي اهم الاماكن السياحيه في ماربيا وبرشلونه
https://artravelers.com/p/re/48272

مشكور اخوي ماقصرت الله يعطيك العافيه بس عندي سؤال بعد لو بختار بين ماربيا وبرشلونه وحده احذفها وازور بدالها باريس وش تقترح
ماربيا + باريس او برشلونه + باريس
معليش تحملوني

سؤالك صعب شوي
والله شوف
ماربيا غير عن باريس و برشلونة من حيث أنها منتجع و منها ازور مدن تاريخية
باريس و برشلونة مدن كبيرة بس كل وحدها وجوها
طيب ليه ما تختار برشلونة و ماربيا تكون سفرتك اسبانية بحته

يكفيني هواها
والله تبي الصدق .. احس انها متعبة يعني وين ماربيا وين برشلونة وين سان سبياستيان ... والمدة كلها 12 يوم ... على العموم اللي يوضح الصورة اكثر اي فترة انت بتروح... ووش وسيلة المواصلات ... وهل المدن التاريخية في البرنامج(قرطبة , غرناطة . اشبيلية) .. انت هاوي طبيعه اكثر ... راعي كورة واندية ...يعني اشوف كل واحد ممكن يسوي برنامجه على حسب مزاجه وهواه

والله تبي الصدق .. احس انها متعبة يعني وين ماربيا وين برشلونة وين سان سبياستيان ... والمدة كلها 12 يوم ...
على يدك اخوي عطني برنامج من 12 يوم الى اسبوعين في اسبانيا اهم شي في الجدول برشلونه وماربيا + كيفية التنقل بين مدن اسبانيا ومن وين ابدأ وكل مدينه كم يكفيها من يوم ؟
في انتظارك انت وباقي الاعضاء

يكفيني هواها
انا تحت امرك ... بس ابي منك توضح لي الصورة ... الروحه شبابية ولا عائلة وكم عددهم؟ ... متى وقتها؟ ... وين محطة الوصول والمغادرة ؟... شلون الميزانية ؟ .. انت هاوي تاريخ ومدن اسلامية ؟ ... مدريد شايلها مره من البال ؟؟ ..
وعسى الله ييسر لك ولي الامور

انا تحت امرك ... بس ابي منك توضح لي الصورة ... الروحه شبابية ولا عائلة وكم عددهم؟ ... متى وقتها؟ ... وين محطة الوصول والمغادرة ؟... شلون الميزانية ؟ .. انت هاوي تاريخ ومدن اسلامية ؟ ... مدريد شايلها مره من البال ؟؟ ..
وعسى الله ييسر لك ولي الامور
السفره عائليه زوج وزوجته فقط بعد شهر تقريبآ اذا الله سهل .. محطة الوصول والمغادره على حسب الجدول ومدريد ماشلتها من البال بس سمعت يكفيها يومين فقط اذا كذا ممكن نضيفها وتصير مدريد محطة الوصول مثلا وياليت ترتب لي المدن بعدها الاقرب فالاقرب وكيفية التنقل وبالنسبه للمدن التاريخيه غرناطه واشبيليه لاافضل ان اقيم فيها يكفي ان ازورها يوم واحد من ماربيا ... الله يعطيك العافيه ويسهل لك ياارب واذا عندك اي سؤال بعد اناا حاضره

1. يكفيني هواها

يكفيني هواها

هلا اخوي ... الله يعينك .. اذا شهر بس باقي يبغالك تشد الهمة ... يعني بتحكمك الرحلة والخطوط ... اذا بيصير برنامجك الوصول لملقا والمغادرة من برشلونة حلو كثير ... بس يمكن ما تحصل ... عشان كذا يعتمد الوضوع على حجوزاتك للسفر... اذا زي ما قلت لك بتبدا من ملقا يصير الجدول زي كذا :-
ستة ايام السكن بملقا او فنخرويلا او ميخاس ( اذا ميزانيتك حلوه ماربيا خيار افضل والافضل بقوة خلك بالبارتوبانوس) برضو فيه منطقة ثانيه اسمها سان بيدرو قريبة من البارتوبانوس ...هذا خيارات السكن ... طبعاً الافضل تكون معاك سياره وضروري ... عندك يومين الى ثلاثة بالمدن القريبة ونشاطاتها واسواقها ( ماربيا , بنا . رواندا , ملقا , فنخرويلا , ...الخ) وتكون مرتب نفسك وحاجز تذاكر لقصر الحمراء بغرناطه اول ما توصل .. وابدا ادهر ..يوم غرناطه .. يوم قرطبه .. يوم اشبيليه ... ... وبكذا انتهينا من اول ستة ايام ... تروح لمطار ملقا وتسلم السيارة وتكون حاجز على برشلونه .. وصلت برشلونه على شارع الرامبلا يكون سكنك وتفرج فيه واجلس اربع ايام بعدها مدريد طيران داخلي يومين وارجع لبلدك سالماً غانماً ... هذا جهدي يمكن يناسبك او لا ما ادري....بس فيه ملاحظة مهمة ترى الجنوب ما فيه طبيعه وحر لازم تكون هالنقطة في تصورك .. بس بصراحه منطقة ترتاح نفسياً فيها
اذا تبي برنامج سان سبيستيان .. اقلب الموجه وخلك بفرنسا ولا بالشمال الاسباني ومعاه برشلونه ... بس انا بالنسبة لي صعبة تجمع شمال اسبانيا مع جنوبه مع شرقه .. مره متعب .. وبالاخير الراي لك ... والمشرف وزمان وباقي الاخوان خبرتهم افضل يمكن يساعدونك افضل مني ... بس انبهك ترى سفرك قريب يعني لازم تكون حاجز طيران ومطلع الفيزا ولا امورك ما تمشي تمام