السلام عليكم
دخيلكم اهل الخبره ابو عزيز و هداوه و حبيبتنا هايدي ساعدوني
الله يسلمكم انا في خاطري اسير سويسرا بس للراحه كوني والده :2ijgy: من 8 شهور وحابه اسير استرخي .. و نفس الشي زوجي عشان يغير جو و يحس بالتجديد ..
لكن الكتكوت هالمره مشارك فالرحله و بو العيال يقول نسير بشهر 4 تاريخ 1 و لين هاك اليوم الولد بيكون سنه و اسبوع عشان اكوون دقيقه ...
غير عن هالموضوع ربي يسلمكم ألمانيا حبيبة قلب زوجي ما يقدر يسير صوب اوروبا بدون لا يمر عليها و فرنسا حاب يتمشى فيهاو النمسا انا حبيتها و ابا اسيرها ... شو اسوي الحمدلله ان استثنيت هولندا و السويد من قائمته بعد جلسات نقاش طويله ..:23isp:
دخيلككم شو تنصحوني ؟؟
هل استثني النمسا من القائمه كون وايد من الأعضاء يقولون اذا شفتوا سويسرا بتنسون النمسا ؟!!!
انا حسيت من التقارير المصورة الله يجزى الأعضاء خير عليها ان طبيعة اوروبا وحده لكن الي يحكم جو الدوله الي ازورها ..
و اذا سرت سويسرا وين اسير بالضبط بصراحه السالفه كلها تأجير سيارات :2r45n: و ريلي ما يحب هالسوالف بيقول اناساير ارتاح ما اتعب انا اعرفه ؟؟ يعني ابا احلى مكان يكون بعيد عن الحشره و الناس ابا هدوء و طبيعه اأجر لي كوخ و افتح الباب انا ع اليبل و أطبخ ع الحصى ... ( أحلامي السعيده ) بس اذا ممكن احققها تمام
صح هالصغيرون ما بيكون عائق في التنقلات و في الرحلات من ناحية ركوب الترفليك و غيره ؟! لا اتقولون لي ودريه ما ارووم انا ما اقدر اسير السووق بدونه .. اصيح :2ge0x:
و شو احسن خط رحله بالنسبه للحواطه بين هالدول و هاي فرنسا ما اعرف ليش ما احبها بس خايفه اسير لها و اعشقها لأن احب العطور وايد :4jy9h:...
شوفولي انسب جدول الله يرضى عليكم عساس اعرف راسي من ريويلي:4tx32: ...
صح من ناحية الأكل فأنا اشوي بطبخ و اشوي من برع لأن ما احب اكل المطاعم وايد و عندي كوكو صغير ما اقدر اعطيه فاست فود :5mulz: .. و هل اللحوم و الدياي المذبوح ع الطريقة الإسلامية موجود بإنترلكن ؟
وشو الجو في ابريل هل بارد لأن لو حر ما بسير انا ابا مكان يلفحني هواء بارد فيه مب دافي ولا حلو ابا مثلج ؟
اوبس الميزانيه :7t2im: كم لازم اتكون انا يعني هالمره حابه اكون اقتصاديه عشان وراي بناء بيت .. لكن ما اروم اسافر الا ع البزنس لظروف صحيه فأتمنى التقدير يكون في هالحدود مع التذاكر او بدونها؟!! ...بعد اذنكم طبعا
سامحوني انا اثرثر وايد الله يعينكم ع تقريري بعد السفر ...
أختكم
الديج