عرب عرب
24-11-2022 - 05:53 am
السلام عليكم ورحمه الله
انا في ورطه وما تحلها الشرطه
بكره رحلتى العصر على جاكرتا وهذي اول سفره لي ومعى كم شخص ولا سوينا حجوزات ولا شي
هل اقدر احجز من هناك او من الرياض
وين اصرف الفلوس هل بالدولارات او بعملتهم
انا اريد اروح الجبل كيف طريقه الفلل والحجز
مده الرحله 15 يوم
عندي استفسار بسيط الحين في المطار ممنوع اخذ العطور وحملها في العفش او شنطه اليد الرياضيه
وش الممنوع اللى ما يسمحون بحمله في شنطه اليد
وبعدين وين موقع السفاره في جاكرتا ابي اروح اسجل جوازي لما اوصل لأنه مره ضاع الجواز حقي ورحت فيها بحبه الخشوم طلعت واحد ثاني بعد ما انحرمت سنتين من السفر .
ادري انى غثيتكم لكن لكم الاجر
اعطوني نصائحكم بليز
الله يعطيكم الصحه والعافيه
اصلن الحجز من هناك احسن واذا تبي النصيحة الريال مرغوب بالجبل اكثر من الدولار الا اذا كنت بتروح بالي اخذ دولار
اصرف عند احسن محل يعطيك سعر زين صرفنا الريال 2600 روبية كان 2/7
نصيحة لا تروح بالليل الجبل ابدا حاول توصل بالنهار عشان تشوف السكن المناسب والله يعينك 7 ساعات لمااخذنا طلبنا ترا عند البقالات السعودية مش حلو السكن كل ما تطلع فوق احلى
في مجمع في فلل خيال بس غالي الليله 2 مليون بس شي هذا المجمع فيه نهر تشوفه من الغرفة والصالة
الاغراض لا تحط عطور ابدا والله كان عندي عطر غالي ومنعوه مني في اندونسيا وكريم ومعجون اسنان حتى كان عندنا ريدبول 2 بعد شالوه لما رجعنا بعد التفجير الظاهر مشددين بس من السعودية ودبي ما قالو شي بس الافضل لا تحط شي
نصيحة اخذ معلبات لان هناك نار نار نار والشاي لان الشاهي حقهم دمار والرز وقطاعت بصل وطماط صغيرة اذا كنت ناوي تسوي كبسة اكيد ما نستغني
رحلة سعيدة