شدعوه ولا رد ليش كذا لاتخيبون ظني فيكم على الاقل لو المشرف يرد ويقول رايه
عموما شكراا

السلام عليكم ......... كسرت خاطري... ولا رد......... شووف انا رحت جنوب اسبانيا (الاندلس) وايد حلوه ويبيلها اكثر من اسبوع بروحها عشان تخلص الجنوب بس فيها وايد مناطق حلوه ومادري انا حسيت فيها بجو خليط من الوناسه وخيبه الامل على اثار المسلمين اللي تحولت لكنائس ولما رديت كان عندي شعور اني ابي اعرف كل شي عن العصر الاندلسي (شفيني دشيت تاريخ ) حق شهر عسل مادري يعني مافيها رومانسيه وايد .... ايطاليا توني راده منها هم وايد حلوه قعدت فيها 12 يوم وماخلصت كل الاشياء اللي ابي اشوفها ... فيها وايد مناطق حلوه وتصلح لشهر عسل مثل امالفي وكابري وفينسيا وجاردا وكومو ولاتنسى ميلانو للتسوق بس عاد الديره غاليه وايد ... واحسن شي تقرا التقارير اللي كاتبينها الاخوان عن الديرتين وايد راح تستفيد ... انا عن نفسي سويت كوبي لرحله مبدع ايطالي وصج استانست وايد (الله يعطيه العافيه) وبالنسبه للجو اعتقد راح يكون حلوو باكتوبر بالديرتين يعني الصبح زين والليل بارد شوي ... واخيرا انصحك بديره وحده احسن وتنقل فيها .... اتمنى اني اكون فدتك بشي ...ز لان احس اني كاتبه خرابيط