السلام عليكم ورحمة وبركاته
افضل المدن ومعلومات بسيطةعنها :
1- كوتشي الفندق (مريديان او رمادا ) مدة يومان
العاصمة ولا يوجد فيها شي مميز سوى شبكة الصيد الصينية ومدينة الالعاب المائية
2- مونار الفندق ( كلوب ماهيندرا او ماونت كلوب ) مدة ثلاثة ايام
مرتفعات جميلة ورائعة تفوق الوصف
3- تكدي الفندق ( جرين وودز ) مدة يومان
بحيرات وانهار ومزارع اكثر من رائعة
4- كوماركوم الفندق ( زوري ) مدة يومان
منتجع جميل جدا وتركب الهاوس بوت القارب المنزلي خمس ساعات في اليوم يتجول بك بين القرى والمزارع
5- اثربالي الفندق ( رين فورست ) مدة يوم واحد
اروع واجمل منطقة شلالات
مكتب جيت وي مليبار جيد وغالي نوعا ما لكن يريحك من الهجوله
اتصور مدة عشرة ايام كافية حسب البرنامج المذكور
والتكلفة بدون التذاكر تقريبا 12 الف ريال داخل فيها الفنادق والافطار والعشاء ومصاريف الرحلة بشكل عام
هذا باختصار وانشالله الباقين يفيدونك اكثر
تحياتي

بدر الفارسي
شباب ابغى رأيكم في سفرتي لكيرلا ..
رجاء اللي مو قد الاستشاره ويسوي دعايه لا يكتب ..
والله خوفتنا .. ترددت قبل ارد عليك بس قلت مانخليك رغم التهديدات ..!!( امزح معك وكلامك في الصميم )
هذي اول سفره لي ومابغى انكب بسبب استشاره شخص يسوي دعايه فقط
باذن الله ماتنكب وتروح وترجع مبسوط ومرتاح وبسلامه
اسف على المقدمة
المسافرين .. انا وزوجتي وولدي عمره 2ونص
( كيف وض ولدي هل مناسب نشيله )
خذ الولد اخي الكريم وانت مطمئن
انا ابغى اسافر عن طريق شركه ..
وش رايكم في ( جيت واي ملبار ) جهاد حسين
جدا مهم لاني اخاف ماقدر ادبرها بنفسي .. لانها اول مره
وقت السفر : في تاريخ 21/7/1432 لمدة 10 الى 15 يوم بحسب السعر
الميزانية تقريبا من غير التذاكر اقصى حد 10 الاف ريال
احتاج منكم اماكن معينه .. جميله
ماحب الاماكن السياحيه العادية .. فنادق 5 نجوم مايكون فيها طبيعه يعني مثل فنادقنا
او شاليهات عاديه .. ابغى شي في الطبيعه مثل المنتجع اللي فيه الكهف و الشجره
البيت العائم .. سمعت انه مايفضل المبيت فيه
اساسا نحن جميعا هنا متفقون انه لايناسب اكثر من كم ساعه مع الغداء لانك تمل لو طولت خاصه العوائل
الامان .. الصحه ..
الامان والصحه في افضل صوره لكن احرص على التعليمات .. لاتشرب وتاكل من اي مكان .. لا تقترب من اشخاص غريبين في اماكن غير معروفه ممكن يكونوا لا سمح الله مصابين بامراض
لو فيه احد عنده استعداد يتواصل معي وينصحني .. اكون له شاكر جدا
انتظر ردكم واسف على الاطاله
حياك ربي وكلنا معك باذن الله
طبعا قبل كل شي حاول ترتب حجز الطيران بحيث تكون الوصول الى كوتشين والمغادره من تريفاندروم حتى تمشي بالترتيب بدون ما تتعب بالتنقل بين الاماكن او تظطر تلغي مناطق جميله
اذا تمت حجوزات الطيران كما ذكرت .. فان افضل خط سير يكون
من المطار مباشرة الى اذربلي والبقاء يوم في منتجع رين فورست - ومنها الى مونار والبقاء 3 ليلات في ماونتين كلوب
ثم تيكدي يومين منتجع كارميلا هافن غرفة بيت الشجره - ومنها الى كومراكوم يومين منتجع كومراكوم ليك ريزورت
تنتقل منها بالهاوس بوت الى البي لقطع الطريق وتجربة الهاوس بوت بدون ما تضيع نص يوم على تجربة الهاوس بوت
منها الى البي يوم في بونامادا ثم منطقة مراري يومين في مراري بيتش ريزورت ومنها الى كوفلام يومين في ليلا كيمبنسكي وتغادر من مطار تريفاندروم القريب منها
طبعا لو كانت المطارات بالعكس الوصول الى تريفاندروم ينعكس خط اسير لكن تضاف ليله في الاخير في كوتشين منتجع رمادا
هاذا البرنامج وضعت فيه افضل المنتجعات على الاطلاق ولذا ممكن يكون غالي شوي فاما انك تقلص الايام او تغير الفنادق الى فئة اقل في بعض المناطق
هذا اخي والله اعلم .. يسر لك الله مافيه الخير ولا تتردد باي استفسار
دمت والجميع بخير

مشكورين .. والله انكم ماقصرتو
بانتظار المزيد ..

بسافر عن طريق الخطوط السعودية !!
كيف اعرف اذا عندهم رحلات من مطار تريفاندروم ؟

الخطوط السعودية ليس لها رحلات إلى ترفندرام حسب موقعهم في الانترنت
مكتب جيت واي مليبار ،، ممتازين ويعيبهم كما ذكر الاخوان أنهم أغلى بقليل من غيرهم ..
وأنا جربت مكتب هبي ترفل وأسعارهم قريبة من جيت واي مليبار وإن كانت أقل
ومكتب فينو جرب وراسله وشوف أسعاره
ومكتب شاكر حسن
عموماً راسل الجميع وقارن الأسعار وتوكل على الحي القيوم ، والله يكتب لك سفرة من أروع ما يكون ...

عذرا لأخي الكريم بدر صاحب التقرير ... وعذرا لك اخي مسترسل لكن من اسلوبك وطرحك كانك اخونا الكريم راحة سفر الذي لم نعد نراه رغم نشاطه الواضح وجهوده مع الجميع .. فعلا يخلق من الشبه اربعين

هلا بكم .. فرحت كثير بوجود رد الاخت munnar..
بس مافهمت
اتمنى ماتبخلي علينا بمشورتك

وعليكم السلام أخي الكريم
ربي يوفقك ويسهل أمور سفرتك ..
وترجع وأنت منشرح صدرك ومستانس ^_^
أختي الغالية مونار ماقصرت وقالت لك على الي كنت بقوله ..
وولدك عادي خذه معكم
(لما سافرنا معنا 3 أطفال )
خلهم يستانسون ^_^
والخطوط السعودية إن شاء الله زينه . وإذا مالقيت شوف طيران ناس
وياليت تحجز التذاكر من هالحين علشان يمديكم تحصلون ، ولا تتورطون بعدين ..
ومكتب جهاد كثير يمدحوونه
كيرلا جنة وكلها جميل ...
وصحيح لابد تاخذون إحتياطاتكم من ملابس ثقيلة شوي وأشياء أخرى ...
ولو تحب شوف تقارير الأعضاء الي راحوا ..
وربي يسهل لك كل أمورك ويوفقك ..

مرحباً بك اختي مونار ،، أنا مسترسل وليس أحد آخر ،،، ويخلق من الشبه أربعين فعلاً ،،، لكن بعد كتابتك هذه رحت أبحث عن مواضيع راحة سفر في بوابة الهند ولم أجد له إلا ردود ، ومكتوب تحت اسمه " موقوف "
ومثل ما يقول المثل ،،، الغايب عذره معه ، وكان عذره إنه موقوف
شوفي هذا الموضوع وهو تقريباً الوحيد والبقية محذوفه
https://artravelers.com/p/re/498464
وشكراً لك اختي الفاضلة
وأتمنى تواصلك معي اختي الفاضلة حتى نستفيد منك ومن خبرتك ، والله من وراء القصد
وهذا إيميلي